У Мінску прадаюць будынак, у якім павінен быў з'явіцца гатэль Park Hotel Ocean
Будынак на праспекце Пераможцаў у Мінску, які павінен быў стаць гатэлем Park Hotel Ocean, выставілі на продаж. Аб'ява пра гэта з'явілася на сайце Цэнтра прамысловай ацэнкі, піша Office Life.
Гатэль планавалі пабудаваць да 2014 года — тады ў краіне быў бум узвядзення гатэляў перад чэмпіянатам свету па хакеі. Але план будаўніцтва падкарэктавалі абмежаванні ландшафтна-рэкрэацыйнай зоны — побач размешчаны заказнік «Лебядзіны».
У выніку праект змянілі на турыстычны комплекс з гатэлем. Замоўца, якому давялося перарабляць дакументацыю і значна мяняць праект, не ўклаўся ў адведзеныя тэрміны.
У 2016-м, калі будынак быў амаль гатовы, інвестыцыйная дамова з замоўцам была скасаваная. Пачаліся суды, замоўца будаўніцтва кампанія «Тэхапрофітсіціінвестмент» пачала працэс ліквідацыі.
У 2018 годзе, калі аб'ект усё ж быў здадзены, ён з гатэля ператварыўся ў офісны будынак, у якім пачалі прадаваць метры ўсім ахвотным.
Аб'ект размешчаны недалёка ад МКАД у Мінску на праспекце Пераможцаў. За яго хочуць 14,7 млн рублёў, або каля $4,3 млн. Прадавец — «Тэхапрофітсіціінвестмент». Плошча будынка — амаль 5 тыс. квадратных метраў, а офісы і крамы, якія ўжо тут працуюць, уключаныя ў здзелку.
Таргі запланаваныя на 16 снежня.
Цяпер чытаюць
Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?16
Каментары