Da abmierkavańnia artykułu pra Vitaŭta Milinkieviča dałučyŭsia palitolah Vital Silicki
Da abmierkavańnia artykułu pra Vitaŭta Milinkieviča dałučyŭsia palitolah Vital Silicki
Mnie zdajecca, kamuści karcić paŭtaryć hrantavy skandał piacihadovaj daŭniny. Prablemy z prahramami stypendyj vyrašać vidavočna treba. Treba patrabavać adkaznaści, prazrystaści i hetak dalej. Ale davajcie nie davodzić spravu da taho, kab ludzi, jakija navučajucca ŭ Polščy, adčuli na sabie tolki pahardu, plaŭki i kryvasłoŭje z pryčyny taho, što kamuści dzieści niedadali ci pieradali. Pad absalutna, zdavałasia, b, adekvatnyja łozunhi prosta idzie, z dapamohaj aficyjnaj prapahandy i niekatorych dobraachvotnych pamočnikaŭ, kančatkovaje vyniščeńnie płoščy Kalinoŭskaha. Davajcie ŭ hetym nie ŭdzielničać, jak minimum. Ciapier pra Milinkieviča.
Sp. Fiaduta, davajcie nie praktykavacca ŭ krasamoŭi, a prosta adkažam na pytańnie: «Vitaŭt Milinkievič maje prava atrymać adukacyju, navat kali jaho baćka AM?» «Jon maje mahčymaść atrymać hetuju adukacyju ŭ Biełarusi?»
Voś davajcie adkažam na druhoje pytańnie, i ad hetaha budziem skakać. Ja, naprykład, atrymaŭ adukacyju za miažoj, i nie razumieju, čamu na heta nie maje prava chtości inšy, navat kali jaho proźvišča Milinkievič. Dyk što nie pačynajcie tannuju hulniu na basic instincts našaha elektaratu – jana ŭsio roŭna abierniecca suprać nas usich. Što da Franka Viačorki, to ŭ jaho, bajusia, ŭsio jašče moža być napieradzie.
Ciapier, u adroźnieńnie ad mnohich palitykaŭ, Milinkievič jak minimum zdolny abmiarkoŭvać takija rečy adkryta.
I narešcie, kab partyzanić u Internecie – heta my ŭsie ŭmiejem, a kali vychodzić na vulicu, to dzieci zvyčajna vychodziać pieršymi za baćkami, kali baćki vychodziać. Davajcie chacia b za heta ich šanavać.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi6
Kamientary