Kyrhyzstan źviarnuŭsia ŭ Interpoł z prośbaj sadziejničać u zatrymańni byłoha prezidenta Kurmanbieka Bakijeva. Pra heta zajaviŭ namieśnik staršyni časovaha ŭradu Kyrhyzstana Azimbiek Bieknazaraŭ, pieradaje Interfaks.
«My spadziajemsia, što Interpoł jaho złović», — skazaŭ A.Bieknazaraŭ. Jon skazaŭ, što ciapier dakładna nie viadoma, dzie znachodzicca K.Bakijeŭ. «Jość čutki, što jon u Turcyi, i my ich praviarajem», — adznačyŭ A.Bieknazaraŭ.
Bieknazaraŭ nahadaŭ, što dakumienty na ekstradycyju K.Bakijeva nakiravanyja ŭ Biełaruś i «Kyrhyzstan čakaje adkazu na zapyt». Jon dadaŭ, što pošukavyja mierapryjemstvy adnosna Bakijeva, jaho svajakoŭ i ludziej ź blizkaha atačeńnia praciahvajucca».
U Kyrhyzstanie raspačatyja kryminalnyja spravy adnosna K.Bakijeva i jaho rodnaha brata Žanybieka Bakijeva, a taksama starejšaha syna Marata pavodle artykuła «Masavaje zabojstva». Adnosna druhoha syna K.Bakijeva, Maksima, raspačatyja kryminalnyja spravy za ekanamičnyja złačynstvy. Jaho abvinavačvajuć u stvareńni karupcyjnych schiem, škoda ad jakich, pavodle papiarednich źviestak, skłała bolš za 3 miljardy somaŭ (kurs $1/45,7 soma).
U Biełaruś Bakijeŭ prylacieŭ 19 krasavika. Tut jon znachodzicca pad persanalnaj abaronaj A. Łukašenki.
Kamientary