«Da apošniaha vieryli, što atrymajem dazvoł». Admianili jašče adzin muzyčny fiestyval
Hod tamu biełarusy radavalisia masavamu viartańniu ŭ krainu vialikich muzyčnych fiestyvalaŭ, ale, jak akazałasia, heta toje samaje dobraje, jakoha budzie «patrochu». Chvala admien open-ejraŭ praciahvajecca: uśled za «Soncastajańniem», Wostrau i Lidbeer sumnyja naviny paviedamiŭ Festiwow. Pryčyny — usio tyja ž, «jakija nie zaležać ad arhanizataraŭ», piša «Anłajnier».
«My da apošniaha vieryli, što atrymajem dazvoł na praviadzieńnie našaha fiestyvalu, ale na žal, zakon jość zakon. My vielmi spadziajemsia i vierym, što jašče sustreniemsia z vami! Dziakuj, što byli z nami hetyja dva hady», — havorycca ŭ sacsietkach Festiwow.
Arhanizatary taksama raskazali, što fiestyval sarvaŭsia litaralna ŭ apošni momant: damovy z artystami ŭžo byli padpisanyja, z dnia na dzień pavinny byli startavać prodažy kvitkoŭ.
Festiwow prachodziŭ na minskim stadyjonie «Dynama» ŭ 2024 i 2025 hodzie — na scenie vystupali mnohija aktualnyja artysty z krain SND: Saluki, Zoloto, Toxi$, Cream Soda, «Moja Mišiel», «Tri dnia doždia» i inšyja.
Heta ŭžo čaćviorty bujny biełaruski fiestyval, jaki paviedamiŭ pra admienu ŭ 2026-m. Raniej arhanizatary niaśvižskaha open-ejra Wostrau, tłumačačy pryčyny, spasyłalisia na pastanovy Savieta Ministraŭ «Ab rejestry arhanizataraŭ kulturna-vidoviščnych mierapryjemstvaŭ» i «adsutnaść mahčymaści pryvozić zamiežnych artystaŭ samastojna».
«Anłajnier» źviazvaŭsia z arhanizatarami Wostrau i Lidbeer, adnak detalova kamientavać admieny fiestyvalaŭ jany admovilisia.
Z astatnich bujnych muzyčnych fiestyvalaŭ daty anansavanyja tolki ŭ Viva Braslav i belbet fest (druhi ŭžo navat abviaściŭ pieršych artystaŭ). Taksama pra viartańnie muzyčnaj prahramy z zamiežnymi chedłajnierami zajaŭlaŭ piknik VULITSA EZHA. Ad Stereo Weekend, jaki viarnuŭsia ŭ minułym hodzie ŭ Łošycki park paśla siamihadovaha pierapynku, niama navin ni pra admienu, ni pra daty i miesca praviadzieńnia.
Fiestyvalu Lidbeer sioleta nie budzie
U Biełarusi abnavili čorny śpis artystaŭ — ciapier tam 179 pazicyj. Chto trapiŭ
Biełarusy raźmiatajuć kvitki na kancerty zumiera Vani Dźmitryjenki z Krasnajarska nie tolki ŭ Minsku, ale ŭ rehijonach
Na mižnarodnym teatralnym fiestyvali ŭ Mahilovie amal usie pastanoŭki buduć z Rasii
Kamientary