Adtok novaj biełaruskaj dyjaspary z Hruzii praciahvajecca treci hod
Na 1 studzienia 2026 hoda ŭ Hruzii pražyvała 12,681 albo 10,828 mihrantaŭ novaj chvali, što na 9% albo 22,3% mienš, čym na 1 studzienia 2023‑ha (13,935).
Adtok novaj biełaruskaj dyjaspary z Hruzii praciahvajecca treci hod, śviedčyć praviedzieny «Pozirkam» analiz danych Nacyjanalnaj słužby statystyki Hruzii.
U toj ža čas kazać ab kankretnych tempach skaračeńnia dyjaspary za 2025 hod i paraŭnoŭvać ich z papiarednimi hadami ciažka: pamiž tematyčnymi tablicami na hruzinskaj i anhlijskaj viersijach sajta jość istotnyja razychodžańni. Hrafy ź ličbami identyčnyja, adnak častka krain, u tym liku Biełaruś, znachodzicca na roznych miescach (hł. skrynšoty), a niekatoryja jość u adnoj tablicy, ale adsutničajuć u inšaj.
Pavodle hruzinamoŭnaj viersii tablicy, letaś u Hruziju prybyło 1,938 mihrantaŭ ź biełaruskim hramadzianstvam (957 mužčyn, 981 žančyna), vyjechała ź jaje — 2,065 (1,088, 977), abo na 127 bolš.
Z anhłamoŭnaj viersii vynikaje, što kolkaść tych, chto prybyŭ, skłała 1,090 (847 mužčyn, 243 žančyny), tych, chto vyjechaŭ, — 3,070 (2,157, 913), abo na 1,980 bolš.
U 2024 hodzie z Hruzii vyjechała na 147 biełaruskich mihrantaŭ bolš, čym zajechała ŭ jaje (2,598 suprać 2,451). Takim čynam, u zaležnaści ad tablicy chutkaść skaračeńnia dyjaspary ŭ 2025 hodzie albo źmienšyłasia na 13,6%, albo vyrasła ŭ 13,5 raza.
Na 1 studzienia 2026 hoda ŭ Hruzii žyło 12,681 albo 10,828 mihrantaŭ novaj chvali, ci na 9% albo 22,3% mienš, čym na 1 studzienia 2023‑ha (13,935).
Biełaruskija mihranty masava sialilisia ŭ Hruzii ŭ 2022 hodzie, vynikaje sa źviestak Sakstata. Tady pryjechała 13,361 čałaviek, vyjechała — 852 (dadatnaje salda — 12,509).
U 2021 hodzie salda taksama było dadatnym (+1,426), ale maštaby mihracyi mienšyja: zajechała 1,583 čałavieka, vyjechała — 157.
Ahułam za piać hadoŭ (2021-25) u Hruziju prybyło 22,890 abo 22,042 biełaruskich emihranta, vyjechała ź jaje — 10,209 albo 11,214.
«Asnoŭnaja prablema biełarusaŭ tut — heta lehalizacyja», — zajaviŭ «Pozirku» biełaruski pravaabaronca Raman Kiślak, jaki žyvie ŭ Hruzii i try hady damahajecca ad miascovych uładaŭ prytułku.
«Kali pašpart zakančvajecca, niemahčyma lehalizavacca, «vizaranicca» abo pa-inšamu. Dazvoł na žycharstva pryviazvajuć da terminu dziejańnia pašparta», — adznačyŭ Kiślak.
Hruzija — «bol biełaruskich demakratyčnych sił na mižnarodnaj arenie», bo tam «vielmi składanaja situacyja», zajaviła kiraŭnica Abjadnanaha pierachodnaha kabinieta Śviatłana Cichanoŭskaja 7 lutaha 2026 hoda ŭ Varšavie na słuchańniach u Kaardynacyjnaj radzie.
«Adzinaje abiacańnie, jakoje my zmahli atrymać ad hetaha ŭrada ŭskosnym šlacham, što biełarusaŭ nie buduć departavać u Biełaruś. <…> Jany nie buduć davać prytułak. Heta toje, što nam skazali», — adznačyła Cichanoŭskaja.
Kamientary