U Polščy startavała taja samaja sprečnaja «hulnia Mackieviča» dla biełaruskich palitykaŭ i aktyvistaŭ
U Krakavie pasprabujuć damovicca pra toje, pra što nie mohuć damovicca hadami.
U Krakavie startavała arhanizacyjna-dziejnasnaja hulnia, inicyjavanaja mietadołaham Uładzimiram Mackievičam. Arhanizatary padajuć jak prastoru, dzie «ŭ toj ci inšaj stupieni prysutničajuć usie palityčnyja siły Biełarusi».
Heta tydniovy intensiŭ, dzie ŭdzielniki z roznymi pazicyjami pavinny praz kanflikt i kalektyŭnaje myśleńnie vypracoŭvać novyja padychody da palityčnych i hramadskich prablem. Maŭlaŭ, mienavita praz sutyknieńnie pazicyj naradžajucca rašeńni. Na praktycy ž vyniki takich hulniaŭ zastajucca, miakka kažučy, nievidavočnymi.
Arhanizatary nie raskryvali śpis udzielnikaŭ. Zajava pra «ŭsie palityčnyja siły» vyhladaje hučna, ale pakul pravieryć jaje niemahčyma: niama ni adkrytaha śpisu, ni razumieńnia, chto i jakuju rolu nasamreč adyhryvaje.
Viadoma, što ŭ hulni ŭdzielničajuć były palitviazień i błohier Mikoła Dziadok, kiraŭnica arhanizacyi «Dapamoga i šełtara «Zamak» dla biełaruskich palitemihrantaŭ Natalla Kalehava, pradstaŭniki «Kibierpartyzanaŭ». Zajaŭlałasia taksama ŭdzieł Viktara Babaryki i pradstaŭnika ofisa Śviatłany Cichanoŭskaj, ale paćviardžeńnia hetamu pakul niama. Usiaho — bolš za 70 čałaviek.
Hulni Mackieviča
Vialikija arhanizacyjna-dziejnasnyja hulni Mackieviča — praktyka nie novaja. Ale ich efiektyŭnaść zastajecca pad pytańniem užo nie pieršy hod.
Hulniami Mackievič zajmajecca z kanca 1980-ch. Apošniuju maštabnuju hulniu Uładzimir Mackievič pravodziŭ u 2013 hodzie. Prajekt byŭ mižnarodnym: jaho padtrymlivali MZS Hiermanii i Polščy, inviestaram vystupaŭ fond Bertelsmann u miežach prahramy Transformation Thinkers. Udzielničali nie tolki biełarusy, ale i pradstaŭniki Siryi, Arhienciny, Čyli, Jehipta, a taksama jeŭrapiejskija ekśpierty.
Ideja vyhladała ambitna — prapracavać scenary transfarmacyi dla krain, dzie niama hatovych madelaŭ. Ale na praktycy hulnia nie pryviała navat da bazavaha vyniku.
Sam Mackievič pryznaje: «u niejkim sensie jana nie atrymałasia». Nie ŭdałosia padrychtavać navat supolny vynikovy dakumient. Častka scenaryjaŭ, jakija prahavorvalisia ŭ pracesie — u tym liku mahčymyja kryzisy va Ukrainie — udzielniki prosta nie ŭspryniali surjozna.
Paśla hetaha, faktyčna, vialikija «hulni» spynilisia.
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary
Vy chiba viedajecie pra ŭsie hulni i ŭsie vyniki kab hetak "infarmavać"?..
Uvohule, uvieś sens padobnych hulniaŭ -- trenaž kamunikatyŭna-kahnityŭnych jakaściaŭ udzielnikaŭ z perspektyvaju ich dalejšaj bolš efektyŭnaj kamunikacyi i ŭzajemadziejańnia ŭ ichnych halinach dziejnaści. Tamu čym bolš hetych trenažoŭ i z uciahvańniem usio novych ludziej -- tym lepš.
A zajaŭlać pra praktyčnyja vyniki možna chiba praz peŭny čas pa zruchach u bolš šyrokim planie.