Bialacki sustreŭsia z premjer-ministram Litvy i inšymi čynoŭnikami. Siarod tem — mahčymaść zdavać ekzamieny na vadzicielskija pravy pa-biełarusku

Bialacki sustreŭsia taksama sa śpikieram Siejma Litvy Juozasam Olekasam, ministram unutranych spraŭ Uładzisłavam Kandratovičam, namieśnicaj ministra zamiežnych spraŭ Aŭdraj Plepite i inšymi pradstaŭnikami litoŭskaj ułady. Ź im taksama byŭ daradca Cichanoŭskaj Dzianis Kučynski.

«U centry ŭvahi na sustrečach byli pytańni, jakija niepasredna zakranajuć žyćcio tysiač biełarusaŭ: padtrymka palitviaźniaŭ i ich siemjaŭ, dapamoha hramadzianskaj supolnaści, a taksama ŭmovy dla biełarusaŭ, jakija ciapier žyvuć u Litvie, — raskazaŭ Kučynski detali sustreč «Našaj Nivie». — Važna, što razmova išła nie tolki pra pryncypy, ale i pra praktyčnyja rašeńni.

Siarod kankretnych vynikaŭ — damoŭlenaść pra mahčymaść zdavać ekzamieny na vadzicielskija pravy na biełaruskaj movie, jakaja była dasiahnuta na sustrečy z MUS Litvy (darečy sustreča ź ministram i jaho kamandaj praciahvałasia kala hadziny i była całkam pa-biełarusku, bo i ministar i jahony daradca cudoŭna vałodajuć biełaruskaj movaj)».

Abmiarkoŭvałasia taksama budučynia Jeŭrapiejskaha humanitarnaha ŭniviersiteta.

«Nie mienš važnym było pytańnie raźvićcia biełaruskich arhanizacyj i inicyjatyŭ u Litvie — pravaabarončaha centra «Viasna», Biełaruskaha doma, Biełaruskaj himnazii i inšych kulturnych, hramadskich i adukacyjnych prajektaŭ. Mienavita hetyja instytucyi siońnia farmujuć prastoru biełaruskaj prysutnaści i identyčnaści za miažoj.

Asobny błok razmoŭ byŭ pryśviečany ŭzmacnieńniu cisku na režym Łukašenki. Litva praciahvaje zajmać pryncypovuju i lidarskuju pazicyju ŭ hetym pytańni, i heta maje realnaje značeńnie. Mienavita paśladoŭny mižnarodny cisk zastajecca klučavym faktaram, jaki moža prymusić režym da źmienaŭ», — dadaŭ Kučynski.

Bialacki i Kučynski sustrelisia taksama z kiraŭnikom kansiervatyŭnaj partyi Litvy Łaŭrynasam Kaščunasam.

Pavialičyć

«Jon nazvaŭ Alesia Bialackaha sapraŭdnym hierojem, simvałam stojkaści i maralnaha aŭtarytetu. Padčas razmovy abmiarkoŭvaŭsia šyroki śpiektr pytańniaŭ: ad unutranaj situacyi ŭ Biełarusi da hibrydnych pahroz u rehijonie i važnaści padtrymki biełarusaŭ u Litvie.

Taksama asobna zakranalisia infarmacyjnyja vykliki i sproby režymu naviazvać štučnyja i raźjadnalnyja naratyvy pra biełaruskuju supolnaść, u tym liku temu tak zvanaha «lićvinizmu». Było važna padkreślić: hetyja kanstrukcyi nie adlustroŭvajuć realnych pryjarytetaŭ biełarusaŭ i vykarystoŭvajucca jak instrumient manipulacyi i dyskredytacyi».

Aleś Bialacki padkreśliŭ, što «Viasna» i inšyja biełaruskija arhanizacyi praciahvajuć svaju pracu, niahledziačy na pieraškody z boku režymu

• 4
• 0
• 0
• 1
• 0
• 0
• 0
• 1