Futbolny kłub u Niderłandach dušeŭna pravioŭ na piensiju pračku, što myła futbołki hulcoŭ 27 hadoŭ
Vialiki banier i vialikija majki na trybunach i majki z padziakaj na hulcach.
U horadzie Devienter pakazali, jak treba ŭznaharodžvać addanaść kłubu i dobruju pracu. Miascovy kłub «Hoŭ Eched Ihłz», što vystupaje ŭ vyšejšym dyvizijonie, usim stadyjonam pravioŭ na piensiju pračku Karłu Vici, piša sports.ru.
Što zrabili «Ihłz»? Arhanizavali maštabnyja pravodziny. Pierad matčam z «AZ Ałkmaar» stadyjon pieratvaryŭsia ŭ adnu vialikuju padziaku. Hihancki banier na trybunie — nie ŭ honar zabiŭnoha forvarda, a ŭ honar žančyny, jakaja hadami zastavałasia ŭ cieni.
«Karła — ikona kłuba. Dziakuj tabie za ŭsio!» — napisali zaŭziatary. Taksama na baniery pobač z partretam Karły była forma kłuba roznych hadoŭ, raźviešanaja na pryščepkach — simvalična, pamiatny kałaž.
Lehiendarnaj pračcy ŭručyli vializnuju ramku z momantami za ŭsie 27 hadoŭ pracy — sapraŭdnaja historyja kłuba ŭ adnoj vyjavie.
Hulcy vyjšli na pole ŭ futbołkach «Dziakuj, Karła». Vyhladała heta maksimalna stylna i pavažliva.
Karła, viadoma, nie strymałasia i raspłakałasia prosta na poli pad skandavańnie trybun.
Ciapier čytajuć
Maniekien dziaŭčynki na vakzale ŭ Minsku napałochaŭ i naśmiašyŭ sacsietki5
Kamientary