Tramp vykazaŭ niezadavalnieńnie prapanovaj Irana pa zaviaršeńni vajny
«Jamu nie padabajecca hetaja prapanova», — paviedamiŭ surazmoŭca ahienctva Reuters.
Prezident ZŠA niezadavoleny prapanovaj Irana adnosna zaviaršeńnia kanfliktu na Blizkim Uschodzie, pakolki jana nie zakranaje jadziernuju prahramu Tehierana, paviedamlaje Reuters sa spasyłkaj na amierykanskaha čynoŭnika.
«Jamu nie padabajecca hetaja prapanova», — paviedamiŭ surazmoŭca ahienctva.
Telekanał CNN sa spasyłkaj na dźvie krynicy, znajomyja ź situacyjaj, adznačyŭ, što Tramp naŭrad ci prymie płan Irana.
Pavodle amierykanskich čynoŭnikaŭ, adnaŭleńnie pracy Armuzskaha praliva biez vyrašeńnia pytańniaŭ pa ŭzbahačeńni ŭranu i jaho zapasach u Irana moža pazbavić ZŠA klučavoha ryčaha ŭpłyvu na pieramovach.
Dalejšyja kroki Trampa pakul zastajucca niajasnymi.
Raniej jon abmierkavaŭ iranskuju inicyjatyvu sa svaimi hałoŭnymi daradcami pa nacyjanalnaj biaśpiecy, udakładniaje Reuters. Tehieran prapanavaŭ zaviaršyć vajnu z ZŠA i spynić ataki na sudny ŭ Armuzskim pralivie pry ŭmovie źniaćcia amierykanskaj błakady iranskich partoŭ i adterminoŭki pieramoŭ pa jadziernym pytańni.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy48
Kamientary