Praciah historyi z čatyrochhadovaj dziaŭčynkaj z Hrodna, jakaja zhubiłasia. Usich dziaciej zabrali ź siamji
Dziaciej źmiaścili ŭ balnicu.
Hučnaja historyja pra 4‑hadovuju dziaŭčynku, jakaja ŭ subotu ranicaj pajšła hulać adna i zhubiłasia, atrymała praciah. Dziaciej zabrali ź siamji i źmiaścili ŭ balnicu, paviedamlaje Newgrodno.by sa spasyłkaj na telekanał «Hrodna plus».
Nahadajem, u subotu, 25 krasavika, adzinokaje małoje zaŭvažyli minaki kala doma №129 pa vulicy Dziaržynskaha ŭ abłasnym centry. Dziaŭčynka viedała tolki svajo i imia mamy — ni proźvišča, ni adras pražyvańnia. Praź niekatory čas maci znajšli. Darečy, u milicyju pra źniknieńnie dziciaci jana nie paviedamlała. Jana pašukała dačku na vulicy, ale viarnułasia dachaty. Paźniej jana raspaviała, što dziaŭčynka sama vyjšła z domu ranicaj, bo dźviery byli nie zamknionyja. Pryčynu svajho biaździejańnia milicyi žančyna rastłumačyć nie zmahła.
Usiaho ŭ jaje troje dziaciej: 1,5 hoda, 4 hady i 7 hadoŭ. U vyniku razboru vyśvietlilisia dadatkovyja abstaviny, jakija nie dazvolili niepaŭnaletnim zastavacca doma. Maci dziaŭčynki zacikaviłasia apieka.
— Adna z pryčyn zabrańnia ź siamji — nienaležny kantrol za miescaznachodžańniem małaletniaha dziciaci. Taksama ŭstanoŭlena, što isnujuć nienaležnyja sanitarnyja ŭmovy dla pražyvańnia niepaŭnaletnich dziaciej, u suviazi z čym było pryniata rašeńnie źmiaścić dziaciej u infiekcyjnuju balnicu.
U infiekcyjnaj balnicy jany mohuć znachodzicca da miesiaca, i za hety čas maci pavinna vypravić usie zaŭvahi, kab viarnuć dziaciej nazad. Kali jana nie vypravić hetyja parušeńni, dzieci buduć pieradadzieny na dziaržaŭnaje zabieśpiačeńnie Respubliki Biełaruś, i ŭžo dziaržava budzie kłapacicca pra ich dalejšy los, paviedamiŭ namieśnik načalnika pa spravach niepaŭnaletnich Leninskaha RAUS Hrodna Pavieł Navakolski.
U hetaj situacyi pytańnie ab nakładańni na jaje niejkich spahnańniaŭ abo štrafaŭ nie staić.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ112
Kamientary