Litoŭskaja palicyja znajšła la miažy z Polščaj cieły dvuch mihrantaŭ
Pamierłym mužčynu i žančynie było kala 30—35 hadoŭ.
Ilustracyjnaje fota: AP Photo Mindaugas Kulbis, File
U Viłkavišskim rajonie byli znojdzieny dvoje miortvych, mahčyma, nielehalnych mihrantaŭ, paviedamiła palicyja ŭ piatnicu. Pamierłym mužčynu i žančynie było kala 30—35 hadoŭ, paviedamlaje BNS.
U zvodcy palicyi adznačajecca, što cieły byli znojdzieny ŭ lesie kala Rukšteniaŭ bieź źniešnich prykmiet hvałtu.
Na miescy zdareńnia taksama byli zatrymanyja jašče vosiem nielehalnych mihrantaŭ biez dakumientaŭ, jakija paćviardžajuć asobu. Dvoje čałaviek byli dastaŭlenyja ŭ balnicu dla ahladu. Paźniej usie mihranty byli pieradadzieny pamiežnikam.
Pradstaŭnik palicyi Ramunas Matonis paviedamiŭ, što pamierłyja taksama nie mieli dakumientaŭ i z vyhladu byli mihrantami.
Pradstaŭnik Dziaržaŭnaj słužby achovy miažy (VSAT) Hiedrus Mišucis paviedamiŭ BNS, što jość padazreńni, što mihranty trapili ŭ Litvu z Łatvii, kudy, u svaju čarhu, pryjšli ź Biełarusi.
«Płanujecca, što jany trapiać u Centr rehistracyi zamiežnikaŭ, a paśla zboru dokazaŭ i faktaŭ łatvijski bok pavinien budzie pryniać ich nazad», — skazaŭ Mišucis.
Pavodle jaho słoŭ, mihranty pradstaŭlalisia hramadzianami Efiopii, Ałžyra, Jehipta, Jemiena i Erytrei.
Jak adznačyŭ pradstaŭnik VSAT, u apošnija miesiacy ź Biełarusi ŭ Łatviju nielehalna prybyvaje značna bolš mihrantaŭ. Paźniej mnohija ź ich, jak miarkujecca, sprabujuć trapić u Zachodniuju Jeŭropu praź Litvu i Polšču. Pavodle jaho, źmianiŭsia i sposab transpartavańnia mihrantaŭ.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary