Viera Palakova-Makiej raskazała, jak stała dyrektarkaj Teatra junaha hledača
Aktrysie prapanoŭvali vybrać, jaki teatr uznačalić.
Aktrysa Viera Palakova-Makiej na niadaŭniaj sustrečy z hledačami raskazała, jak u krasaviku 2022‑ha stała dyrektarkaj Teatra junaha hledača, piša «Kamsamolskaja praŭda».
Na toj čas Palakova-Makiej kiravała svaim pryvatnym teatralnym prajektam «TryTfarmat». Ministerstva kultury prapanavała aktrysie pasprabavać siabie ŭ jakaści kiraŭnika dziaržaŭnaha teatra. Havorka išła pra vybar pamiž Novym dramatyčnym, TIUHam i Nacyjanalnym akademičnym dramatyčnym teatram imia Horkaha.
Aktrysa pahadziłasia, ale vystaviła dźvie ŭmovy.
«Maja hałoŭnaja ŭmova była, što ŭ maim teatry nie budzie mastackaha kiraŭnika. Prosta skazała: «Kali vy chočacie, kab ja teatr padniała sa dna, ja antykryzisny mieniedžar, dobry kiraŭnik». Druhaja maja ŭmova zaklučałasia ŭ tym, kab u mianie adzinaj z usich dyrektaraŭ byŭ płavajučy hrafik.
Što ja zastajusia zajmacca svajoj asnoŭnaj akciorskaj prafiesijaj. Ale ja daju česnaje šlachieckaje słova, što heta nijakim čynam nie budzie zaminać majoj pracy jak dyrektara», — adznačyła aktrysa.
Viera Palakova-Makiej dadała: na jaje dumku, u toj pieryjad času TIUH byŭ u vielmi składanym stanoviščy. U akcioraŭ tam byli samyja nizkija ŭ halinie zarobki, a napaŭnialnaść zały składała 24,7%.
«Ja kali pryjšła, skazała: «Skažycie ščyra, da vas chadzili vašy siabry i svajaki na śpiektakli?» Nu prosta, kali brać u pracentnych suadnosinach, to jany realna byli na dnie».
Pierad tym, jak uznačalić TIUH, aktrysa raiłasia z mužam Uładzimiram Makiejem, tahačasnym ministram zamiežnych spraŭ.
«Heta dla mianie taksama byŭ vyklik. I kali ŭ mianie stajaŭ vybar, muž moj prynios mnie try daviedki-abjektyŭki. Z dachodami, z napaŭnialnaściu zały… Słovam, analiz, statystyka. I jon mnie pakazvaje i kaža: «Ty ŭpeŭnienaja? Ty ŭpeŭnienaja, što ty chočaš mienavita hety teatr bačyć? Voś tut niejak cikaviejšaja situacyja». Ja kažu: «Tak! Tamu što ja chaču dakazać, što važna hramatnaje kiravańnie, što teatr, jaki maje takuju šykoŭnuju scenu, šykoŭnuju zału, centr horada…»
«Žyćcio zanadta karotkaje». Viera Palakova-Makiej raskazała, što jaje raduje ŭ žyćci paśla śmierci muža
Uładzimir Makiej zaŭsiody braŭ na pracu ssabojki i kazaŭ, što ŭ domie pavinna pachnuć śviežapryhatavanaj ježaj
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary