Вера Палякова-Макей расказала, як стала дырэктаркай Тэатра юнага гледача
Актрысе прапаноўвалі выбраць, які тэатр узначаліць.
Актрыса Вера Палякова-Макей на нядаўняй сустрэчы з гледачамі расказала, як у красавіку 2022‑га стала дырэктаркай Тэатра юнага гледача, піша «Камсамольская праўда».
На той час Палякова-Макей кіравала сваім прыватным тэатральным праектам «ТрыТфармат». Міністэрства культуры прапанавала актрысе паспрабаваць сябе ў якасці кіраўніка дзяржаўнага тэатра. Гаворка ішла пра выбар паміж Новым драматычным, ТЮГам і Нацыянальным акадэмічным драматычным тэатрам імя Горкага.
Актрыса пагадзілася, але выставіла дзве ўмовы.
«Мая галоўная ўмова была, што ў маім тэатры не будзе мастацкага кіраўніка. Проста сказала: «Калі вы хочаце, каб я тэатр падняла са дна, я антыкрызісны менеджар, добры кіраўнік». Другая мая ўмова заключалася ў тым, каб у мяне адзінай з усіх дырэктараў быў плаваючы графік.
Што я застаюся займацца сваёй асноўнай акцёрскай прафесіяй. Але я даю чэснае шляхецкае слова, што гэта ніякім чынам не будзе замінаць маёй працы як дырэктара», — адзначыла актрыса.
Вера Палякова-Макей дадала: на яе думку, у той перыяд часу ТЮГ быў у вельмі складаным становішчы. У акцёраў там былі самыя нізкія ў галіне заробкі, а напаўняльнасць залы складала 24,7%.
«Я калі прыйшла, сказала: «Скажыце шчыра, да вас хадзілі вашы сябры і сваякі на спектаклі?» Ну проста, калі браць у працэнтных суадносінах, то яны рэальна былі на дне».
Перад тым, як узначаліць ТЮГ, актрыса раілася з мужам Уладзімірам Макеем, тагачасным міністрам замежных спраў.
«Гэта для мяне таксама быў выклік. І калі ў мяне стаяў выбар, муж мой прынёс мне тры даведкі-аб’ектыўкі. З даходамі, з напаўняльнасцю залы… Словам, аналіз, статыстыка. І ён мне паказвае і кажа: «Ты ўпэўненая? Ты ўпэўненая, што ты хочаш менавіта гэты тэатр бачыць? Вось тут неяк цікавейшая сітуацыя». Я кажу: «Так! Таму што я хачу даказаць, што важна граматнае кіраванне, што тэатр, які мае такую шыкоўную сцэну, шыкоўную залу, цэнтр горада…»
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае10
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары