Праз падкоп і калючы дрот: літоўскія памежнікі затрымалі 18 нелегальных мігрантаў
18 нелегальных мігрантаў, якія спрабавалі пранікнуць у Літву з Беларусі праз падкоп у Варэнскім раёне, што мяжуе з Гродзенскім раёнам.
17 мігрантаў прадставіліся грамадзянамі Афганістана. Толькі ў 3 з іх былі пашпарты гэтай краіны, у астатніх дакументаў не было. Яшчэ адзін мігрант заявіў пагранічнікам, што ён грамадзянін Шры-Ланкі, але таксама не меў дакументаў, піша Delfi.lt.
Для ўсіх 18 затрыманых, як гэта робіцца заўсёды, была праведзена індывідуальная ацэнка. У ходзе ацэнкі пагранічнікі ўстанавілі, што ніякай пагрозы для замежнікаў няма. Пасля разгляду ўсіх абставін было прынята рашэнне не дапускаць гэтых мігрантаў у Літву і вярнуць іх у Беларусь у адпаведнасці з законам.
Непадалёк ад месца затрымання замежнікаў на мяжы з Беларуссю пагранічнікі спынілі аўтамабіль Audi A6 з літоўскімі нумарамі. За рулём знаходзіўся 41‑гадовы грамадзянін Украіны ў суправаджэнні 33‑гадовай грамадзянкі Украіны.
Паводле папярэдніх звестак, гэтыя асобы, якія легальна знаходзіліся ў Літве, прыбылі, каб забраць 7 мігрантаў, якія праніклі ў краіну паўзком. Грамадзяне Украіны былі затрыманыя пагранічнікамі.
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю7
Каментары