Zialenski prapanavaŭ Łondanu nakiravać hrošy Abramoviča na ŭzmacnieńnie ŭkrainskaj SPA
Prezident Ukrainy abmiarkoŭvaŭ z premjer-ministram Vialikabrytanii Kiram Starmieram los 2,4 młrd funtaŭ, atrymanych ad prodažu kłuba.
Prezident Ukrainy Uładzimir Zialenski prapanuje vykarystać srodki rasijskaha biznesmiena Ramana Abramoviča ad prodažu łondanskaha futbolnaha kłuba «Čełsi» dla ŭzmacnieńnia ŭkrainskaj supraćpavietranaj abarony, piša Bi-bi-si sa spasyłkaj na The Guardian.
U intervju vydańniu Zialenski paviedamiŭ, što abmiarkoŭvaŭ z premjer-ministram Vialikabrytanii Kiram Starmieram los 2,4 młrd funtaŭ, atrymanych ad prodažu kłuba.
Pavodle słoŭ Zialenskaha, častku hetych srodkaŭ možna było b nakiravać na zakupku ŭ ZŠA dadatkovych sistem supraćrakietnaj abarony dla Ukrainy.
Paśla ŭvarvańnia Rasii va Ukrainu brytanski ŭrad dazvoliŭ Abramoviču, u dačynieńni da jakoha byli ŭviedzieny sankcyi za suviazi z Pucinym, pradać «Čełsi» pry ŭmovie, što atrymanyja srodki buduć pieradadzieny dabračynnym arhanizacyjam, jakija dapamahajuć paciarpiełym ad vajny va Ukrainie.
Paśla prodažu kłuba hrošy byli pieraviedzieny na śpiecyjalny bankaŭski rachunak i zamarožany da momantu ich pieradačy paciarpiełym va Ukrainie. Adnak los hetych srodkaŭ zastajecca pradmietam jurydyčnaj sprečki.
Abramovič admaŭlajecca padpisvać pahadnieńnie ab ich pieradačy i ŭ jakaści sustrečnaha kroku patrabuje spynić rasśledavańni ŭ dačynieńni da jaho i źniać błakavańnie ź inšych jaho aktyvaŭ. Brytanskija ŭłady pahražajuć rasijskamu biznesmienu sudovym razhladam.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
Upeŭnieny, što Abramovič za heta budzie jamu ŭdziačny.