Zaviaršajecca rekanstrukcyja «Karablika» — samaha admietnaha korpusa BNTU
U BNTU zaviaršajuć rekanstrukcyju 15‑ha navučalnaha korpusa, jaki z 1 vieraśnia pavinien znoŭ pryniać studentaŭ i vykładčykaŭ. Paśla abnaŭleńnia budynak staŭ nie prosta miescam dla lekcyj i praktyčnych zaniatkaŭ, a bolš sučasnaj prastoraj dla vučoby, adpačynku i charčavańnia, piša Domovita.by.
Korpus składajecca ź dźviuch častak — 15‑paviarchovaj i 8-paviarchovaj. Daŭžynia adnaho z kalidoraŭ u nižniaj častcy dasiahaje 130 mietraŭ.
Unutry źjavilisia vialikija aŭdytoryi roznych farmataŭ, sučasnyja łabaratoryi i pamiaškańni dla praktyčnych zaniatkaŭ. U aŭdytoryjach ustalavali sistemy aŭtamatyčnaha zaciamnieńnia: mataryzavanyja žaluzi dazvolać rehulavać aśviatleńnie ŭ zaležnaści ad patreby.
Trapić na terytoryju korpusa možna budzie praz turnikiety. Na pieršym paviersie raźmiaścili vialiki harderob, a na druhim zrabili prastorny choł. Tam zachavali fresku ź simvolikaj čatyroch fakultetaŭ, studenty jakich buduć vučycca ŭ hetym budynku.
Pamiž pavierchami buduć pracavać dzieviać sučasnych liftaŭ. Taksama praduhledžana śpiecyjalnaje abstalavańnie dla ludziej z abmiežavanaj mabilnaściu.
Asablivuju ŭvahu nadali miescam dla adpačynku i samastojnaj pracy. U korpusie adkryjucca biblijateka i čytalnaja zała ź miakkaj meblaj i kanapami. Tam studenty zmohuć rychtavacca da zaniatkaŭ, pracavać nad hrupavymi prajektami abo adpačyvać pamiž parami. Na trecim paviersie abstalavali zonu adpačynku z łaŭkami. Taksama budzie pracavać kapiravalny centr.
Dla studentaŭ praduhledzieli i mahčymaści pierakusić. U korpusie adkryjecca bufiet z novaj technikaj i vitrynami. Tam buduć pradavać vypiečku, haračyja stravy, sałaty i lohkija pierakusy. Akramia taho, u budynku pastaviać kavavyja aŭtamaty.
Paŭnavartasna paabiedać možna budzie ŭ stałovaj № 4 BNTU, jakaja znachodzicca nasuprać korpusa na praśpiekcie Niezaležnaści, 146.
Źmianiłasia i terytoryja vakoł budynka. Zialonuju zonu abnavili, zrabili piešachodnyja darožki i miescy dla adpačynku. Na kłumbach płanujuć stvaryć vialikuju kvietkavuju kampazicyju.
Dla aŭtamabilaŭ za korpusam abstalavali novuju stajanku na 70 miescaŭ, jašče 20 miescaŭ pryznačanyja dla vykładčykaŭ. Taksama abnavili raźmietku i ŭparadkavali parkoŭki.
Pierymietr korpusa ciapier zakryty sučasnaj aharodžaj ź sistemaj biaśpieki.
Jak idzie restaŭracyja hałoŭnaha korpusa BDU FOTY
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»
U minskim Piščałaŭskim zamku ŭmacoŭvajuć padmurki
U Łošyckim parku adnoviać razburanyja kaplicu i młyn. Jak jany buduć vyhladać paśla rekanstrukcyi
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała39
Kamientary
chorošo čto nie śnieśli