Jak pravilna zachoŭvać ahurki, pamidory, bulbu i morkvu? Raić sadoŭnik
Kali ahurkam padychodzić chaładzilnik, to dla pamidoraŭ — ni ŭ jakim razie.
Sadoŭnik Dźmitryj Kastrycki raskazaŭ na ANT, u jakich umovach lepš zachoŭvać ahurki, pamidory, bulbu, buraki i harbuz.
Tak, dla ahurkoŭ padychodzić nizkaja tempieratura. Idealnaj budzie taja, što padtrymlivajecca na nižniaj palicy chaładzilnika — tam pastajannaja prachałoda. Pakłaści ahurki sadoŭnik raić u tkaninny abo papiarovy pakiet, jaki dychaje (nie palietylenavy, dzie skapleńnie kandensatu pryviadzie da psavańnia).
Da miesca i vysokaja vilhotnaść. Pry joj płady nie straciać pruhkaść i nie stanuć źviałymi. A voś susiedstva z takoj sadavinaj, jak jabłyki i banany, niebiaśpiečnaje praz vydzialeńnie apošnimi hazu etylenu, jaki paskaraje daśpiavańnie i psavańnie harodniny, piša «Kamsamolskaja praŭda».
Tamaty ž choład nie lubiać. Zachoŭvańnie ŭ chaładzilniku pryviadzie da straty vodaru i źjaŭleńnia «vatnaha» smaku. Dla pamidoraŭ dobraja pakajovaja tempieratura kala 20—22 hradusaŭ u suchim miescy, jakoje dobra pravietryvajecca, biez pramych soniečnych promniaŭ.
Kali havorka idzie pra tamaty, vyraščanyja na ŭłasnym učastku, to Dźmitryj Kastrycki rekamienduje zdymać płady na zachoŭvańnie ŭ stadyi buraj śpiełaści. To-bok tady, kali ŭ ich užo jość charakterny koler, ale jany nie stali całkam miakkimi.
«U takim vyhladzie jany buduć pastupova daśpiavać i zachavajucca da miesiaca».
A sposab zachoŭvańnia — u skryniach u adzin-dva słoi, ale tak, kab tamaty źvierchu nie cisnuli na susiedziaŭ źnizu. Viadoma, varta čas ad času praviarać uradžaj i prybirać płady, jakija pačynajuć psavacca, kab hnil nie achapiła ŭsio vyraščanaje.
Sklep abo padvał nie padychodziać dla harbuza i kabačkoŭ praz vysokuju vilhotnaść, jakaja viadzie da hnijeńnia hetaj harodniny. Im patrabujecca suchoje pamiaškańnie, jakoje dobra pravietryvajecca, ź nievysokaj vilhotnaściu i tempieraturaj kala pakajovaj.
Parada sadoŭnika — zachoŭvać harbuz i kabački nie na padłozie, a na palicach abo stełažach. I tak, kab płady nie dakranalisia adzin da adnaho.
Što da bulby, to dobry varyjant zachoŭvańnia — sklep z tempieraturaj 6—8 hradusaŭ.
«Heta załataja siaredzina: pry bolš vysokaj tempieratury bulba pačynaje prarastać, a pry nizkaj — psujecca i stanovicca saładkavataj, — kaža Kastrycki i pakazvaje taksama na nieabchodnaść umieranaj vilhotnaści: — Zanadta syra — kłubni hnijuć, zanadta sucha — vianuć».
Sadoŭnik raić zachoŭvać bulbu ŭ skryniach abo nasypam i pry dobraj vientylacyi (značyć, skryni dakładna nie treba stavić uščylnuju da ściany), a taksama nie zabyvać pierabirać uradžaj, vydalajučy padhniłyja kłubni.
Z bulbaj źviazanaje i pravilnaje zachoŭvańnie burakoŭ.
«Buraki zručna zachoŭvać nasypam prosta pavierch bulby. Tut pracuje cikavy efiekt: bulba vyparaje lišniuju vilhać, a buraki jaje ŭbirajuć. U vyniku: buraki nie sochnuć, bulba nie adsyreje i nie zhnije. Heta prostaje, ale vielmi efiektyŭnaje rašeńnie, pravieranaje hadami», — kaža Dźmitryj Kastrycki.
Patrabavalnaja da vilhaci i morkva. Jaje pavinna być dastatkova, kab harodnina nie vianuła. Morkvu dobra zachoŭvać u źlohku vilhotnym piasku abo ŭ apiłkach.
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary