Ukraina z 2014 hoda dała hramadzianstva 52 biełaruskim dobraachvotnikam
Z pačatku rasijskaj ahresii suprać Ukrainy ŭkrainskaje hramadzianstva atrymali 52 biełaruskija dobraachvotniki, jakija vajavali na baku Ukrainy. Jašče 22 spravy biełarusaŭ užo pieradadzienyja na razhlad Kamisii pry prezidencie Ukrainy pa pytańniach hramadzianstva. Pra heta paviedamiła Dziaržaŭnaja mihracyjnaja słužba Ukrainy ŭ adkaz na zapyt vydańnia «Suśpilnie».
Da pačatku poŭnamaštabnaha rasijskaha ŭvarvańnia hramadzianstva Ukrainy atrymali 12 biełaruskich dobraachvotnikaŭ, a paśla lutaha 2022 hoda — jašče 40.
U červieni 2025 hoda Viarchoŭnaja Rada Ukrainy ŭniesła źmieny ŭ zakanadaŭstva ab atrymańni i zachavańni hramadzianstva. Dla inšaziemcaŭ, jakija słužać va ŭkrainskich Siłach abarony, spraścili ŭmovy. Ciapier, kab atrymać prava pretendavać na hramadzianstva, im dastatkova prasłužyć pavodle kantraktu adzin hod zamiest raniejšych troch.
Zvyčajna razhlad zajavy ab pryniaćci hramadzianstva, kali nie patrabujecca dadatkovaja pravierka, pavinien zajmać nie bolš za vosiem miesiacaŭ. Pry hetym zajavy inšaziemcaŭ, jakija ŭdzielničali abo ŭdzielničajuć u abaronie Ukrainy, razhladajucca ŭ pryjarytetnym paradku.
Biełaruskija dobraachvotniki, jakija vajujuć na baku Ukrainy, a taksama ich siamiejniki mohuć lehalizavać svajo znachodžańnie va Ukrainie navat z praterminavanym biełaruskim pašpartam. Jany mohuć atrymać dazvoł na žycharstva abo padać dakumienty na hramadzianstva. Adnak dla hetaha nieabchodna mieć aryhinał dakumienta.
U mihracyjnaj słužbie adznačajuć, što dla mnohich biełaruskich dobraachvotnikaŭ zamiena pašparta niemahčymaja bieź viartańnia ŭ Biełaruś, što moža być niebiaśpiečna dla ich. Pry hetym vyraznaha miechanizmu adnaŭleńnia biełaruskaha pašparta va Ukrainie pakul niama.
Kab vyrašyć hetuju prablemu, Dziaržaŭnaja mihracyjnaja słužba raspracavała adpaviedny zakonaprajekt i pieradała jaho ŭ Ministerstva ŭnutranych spraŭ dla ŭzhadnieńnia. Pakul ža zamiežnyja vajskoŭcy, jakija zastalisia biez asnoŭnaha dakumienta, mohuć źviarnucca pa status uciekača albo asoby, jakaja maje patrebu ŭ dadatkovaj abaronie.
Akramia taho, z maja da žniŭnia 2026 hoda časovyja dazvoły na žycharstva ŭpieršyniu abo pry abmienie atrymali 45 hramadzian Biełarusi, jakija słužać va ŭkrainskich Siłach abarony.
Ulik takich dakumientaŭ pačali vieści z maja. Raniej zamiežnym dobraachvotnikam dla paćviardžeńnia zakonnaści znachodžańnia va Ukrainie było dastatkova vajskovaha bileta i kantrakta. Ciapier usie dziejnyja zamiežnyja vajskoŭcy Sił abarony Ukrainy pavinny prajści praceduru lehalizacyi da 10 listapada 2026 hoda.
Ukraincy, jakija vajavali za Rasiju i byli ŭziatyja ŭ pałon, raskazali, čamu praciahvajuć jaje lubić
«Chulihanstva z vykarystańniem zbroi». Novy incydent ź biełarusam-dobraachvotnikam va Ukrainie
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ
Udava biełaruskaha dobraachvotnika zdoleła sabrać podpisy pad pietycyjaj ab prysvajeńni inšaziemcam zvańnia Hieroja Ukrainy
Biełarusy biez pašpartoŭ va Ukrainie ŭ žniŭni ryzykujuć stać nielehałami — jany nie zmohuć abnavić DNŽ
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary