Kab adsłužyć niadzielnuju katalickuju imšu ŭ Baranavičach, daviałosia jechać samomu biskupu. Bolš nie było kamu
Hienieralny vikaryj Pinskaj dyjacezii biskup Andrej Znoska znoŭ nahadaŭ pra prablemu vostraha niedachopu ŭ Biełarusi katalickich śviataroŭ. Nahodaj stała toje, što probašč u adnoj z parafij u Baranavičach nie moh adpravić niadzielnyja imšy, a śviatary ź inšych parafij nie mieli mahčymaści jaho zamianić, piša Katolik.life.
Tamu jechać słužyć u Baranavičy daviałosia samomu biskupu, jak napisaŭ jon na svajoj staroncy ŭ instahramie:
«Škada, što ŭ nas takoje stanovišča z kolkaściu śviataroŭ, što zamianiać ksiandza davodzicca biskupu. Jašče ŭ budny dzień kudy ni što, pryjedzie śviatar z susiedniaj parafii, ale ŭ niadzielu ci ŭračystaść — nie».
Biskup patłumačyŭ, što ŭ śviatočnyja dni kožny ksiondz maje nabaženstvy va ŭłasnym kaściole, «a to i ŭ dvuch ci troch, choć i zdarajecca, što ŭdasca tak pierastavić terminy śviatych imšaŭ, kab vyručyć susieda»:
«Ale heta ž jašče i adlehłaść, i niespryjalnaje nadvorje, dy i prosta stomlenaść…»
Razam z tym biskup, jaki sam jašče niadaŭna byŭ zvyčajnym probaščam, adznačyŭ pazityŭny momant dla siabie asabista:
«Dla mianie heta radaść — znoŭ jak byccam by akunucca ŭ parafijalnaje žyćcio, prypomnić sabie hety rytm, jakim ja žyŭ stolki hadoŭ, budučy probaščam: nabaženstva, spoviedź, Imša, razmovy ź ludźmi, znoŭ spoviedź, čarhovaja Imša, čarhovaje nabaženstva…»
U niekatorych parafijach u Pinskaj dyjacezii, paśla niepraciahvańnia ŭładami dazvołu na słužeńnie ŭ Biełarusi śviataroŭ z Polščy, naohuł niama probaščaŭ. Naprykład, u Ružanach. Tam amal va ŭsie budnyja dni śviataja Imša nie adpraŭlajecca, siudy davodzicca pryjazdžać śviataru ź inšaha horada.
Padobnaja situacyja taksama ŭ Mahiloŭskaj i Homielskaj abłaściach, dzie šerahu śviataroŭ davodzicca absłuhoŭvać adrazu niekalki parafij, addalenych adna ad adnoj.
Jašče adnaho polskaha śviatara vysyłajuć ź Biełarusi
Ź Biełarusi vysyłajuć bolš za dziesiać polskich śviataroŭ. U Mahilovie ŭžo raźvitalisia z probaščam — i z prajektam novaha kaścioła
Polskim katalickim śviataram mahli zabaranić słužyć u Biełarusi za spryjańnie hreka-katalikam
Dvum katalickim śviataram nie praciahnuli dazvoł na słužeńnie ŭ Biełarusi. Biez pastyraŭ zastalisia šeść parafij u troch rajonach
Ciapier čytajuć
Biełaruska hod adpracavała dalnabojščycaj u Jeŭropie. Ciapier sprabuje pastupić u italjanski ŭniviersitet5
Kamientary