Miedyki nie vyklučajuć mahčymaści ŭspyšak zachvorvańniaŭ na hryp užo ŭ kastryčniku
Minskija miedyki nie vyklučajuć mahčymaści ŭspyšak zachvorvańniaŭ na VRVI i hryp da pačatku epidemičnaha siezonu — užo ŭ kastryčniku. Pra heta zajaviła zahadčyca epidemijałahičnaha adździeła Minskaha haradskoha centra hihijeny i epidemijałohii Alena Fisienka na bryfinhu 21 vieraśnia.
Pavodle jaje słoŭ, epidemičny ŭzdym zachvorvańniaŭ na VRVI i hryp čakajecca ŭ tradycyjnyja dla Biełarusi i Minska terminy:
Taki prahnoz, adznačyła jana, uskosna paćviardžaje ciapierašniaja situacyja z zachvorvańniami na VRVI u Minsku.
Intensiŭny siezonny pryrost zachvorvańnia pačaŭsia ŭ siaredzinie vieraśnia, tady jak zvyčajna jon adznačajecca z kanca miesiaca.
«Na siońnia ahulny lik zachvarełych štodzień fiksujecca na adznacy ad 4,5 da 5 tys. vypadkaŭ», — skazała Fisienka.
Pavodle jaje słoŭ, heta na 30–40% bolš, čym u anałahičnym pieryjadzie minułaha hoda, i tradycyjna zychodziačy ź siarednich šmathadovych danych. Dyjahnaz hrypu pakul klinična nie ŭstanoŭleny ni adnamu z chvorych, adnak «mocna identyfikujucca tradycyjnyja reśpiratornyja virusy».
Śpiecyjalist prahnazuje, što ŭ ciapierašnim siezonie buduć cyrkulavać tyja ž virusy, što i ŭ minułym.
Heta i virus t.zv. śvinoha hrypu, A (H1N1), jaki pa vynikach daśledavańnia imunitetu prysutničaje siarod nasielnictva horada, tradycyjnyja dla Biełarusi virusy hrypu, A (H3R2) i A (H1N1) siezonny. Čakajecca taksama aktyŭnaja cyrkulacyja źmiešanych infiekcyj, pry jakich u chvoraha adnačasova prysutničaje niekalki virusaŭ, naprykład adenavirus i virus hrypu B abo virus parahrypu. «Heta abumoŭlivaje bolš mocnuju kliničnuju formu zachvorvańnia i bolš ciažkija vypadki zachvorvańnia», — adznačyła Fisienka.
Pavodle jaje słoŭ, virus hrypu B naŭrad ci budzie mieć rolu ŭ farmiravańni zachvorvańniaŭ u novym epidsiezonie. Hety virus cyrkulavaŭ u kancy minułaha epidsiezonu i zachoŭvaŭsia ŭ mižepidemičny letni pieryjad, tamu amal 90% staličnych žycharoŭ majuć da jaho imunitet.
Kamientary