Медыкі не выключаюць магчымасці ўспышак захворванняў на грып ужо ў кастрычніку
Мінскія медыкі не выключаюць магчымасці ўспышак захворванняў на ВРВІ і грып да пачатку эпідэмічнага сезону — ужо ў кастрычніку. Пра гэта заявіла загадчыца эпідэміялагічнага аддзела Мінскага гарадскога цэнтра гігіены і эпідэміялогіі Алена Фісенка на брыфінгу 21 верасня.
Паводле яе слоў, эпідэмічны ўздым захворванняў на ВРВІ і грып чакаецца ў традыцыйныя для Беларусі і Мінска тэрміны:
Такі прагноз, адзначыла яна, ускосна пацвярджае цяперашняя сітуацыя з захворваннямі на ВРВІ у Мінску.
Інтэнсіўны сезонны прырост захворвання пачаўся ў сярэдзіне верасня, тады як звычайна ён адзначаецца з канца месяца.
«На сёння агульны лік захварэлых штодзень фіксуецца на адзнацы ад 4,5 да 5 тыс. выпадкаў», — сказала Фісенка.
Паводле яе слоў, гэта на 30–40% больш, чым у аналагічным перыядзе мінулага года, і традыцыйна зыходзячы з сярэдніх шматгадовых даных. Дыягназ грыпу пакуль клінічна не ўстаноўлены ні аднаму з хворых, аднак «моцна ідэнтыфікуюцца традыцыйныя рэспіраторныя вірусы».
Спецыяліст прагназуе, што ў цяперашнім сезоне будуць цыркуляваць тыя ж вірусы, што і ў мінулым.
Гэта і вірус т.зв. свінога грыпу, А (H1N1), які па выніках даследавання імунітэту прысутнічае сярод насельніцтва горада, традыцыйныя для Беларусі вірусы грыпу, А (H3R2) і A (H1N1) сезонны. Чакаецца таксама актыўная цыркуляцыя змешаных інфекцый, пры якіх у хворага адначасова прысутнічае некалькі вірусаў, напрыклад адэнавірус і вірус грыпу B або вірус парагрыпу. «Гэта абумоўлівае больш моцную клінічную форму захворвання і больш цяжкія выпадкі захворвання», — адзначыла Фісенка.
Паводле яе слоў, вірус грыпу B наўрад ці будзе мець ролю ў фарміраванні захворванняў у новым эпідсезоне. Гэты вірус цыркуляваў у канцы мінулага эпідсезону і захоўваўся ў міжэпідэмічны летні перыяд, таму амаль 90% сталічных жыхароў маюць да яго імунітэт.
Каментары