Tureckija ŚMI — pra vizit (ci adpačynak?) kiraŭnika Biełarusi.
Tureckija ŚMI — pra vizit (ci adpačynak?) kiraŭnika Biełarusi.
Bolšaść tureckich miedyjaŭ (naprykład, beyazgazete.com) painfarmavali pra vizit Łukašenki, pieradrukavaŭšy natatku dziaržaŭnaha infarmahienctva Anadolu Ajansı.
«Prezident Biełarusi Alaksandr Łukašenka prybyŭ u Tureččynu. Łukašenka prylacieŭ na asabistym samalocie. U dziaržaŭnaj haścinicy aeraporta imia Ataciurka jaho sustreŭ pamočnik hubiernatara Stambuła Dželaletdzin Juksel i inšyja zacikaŭlenyja asoby. Krychu pieradychnuŭšy ŭ dziaržaŭnaj haścinicy, Łukašenka praź niejki čas pajechaŭ z aeraporta. Miž inšym, razam z prezidentam Łukašenkam u Stambuł prybyŭ taksama jaho syn Mikałaj Łukašenka.
Niekatoryja vydańni, pieradrukoŭvajučy hetuju navinu, padkreślili ŭ zahałoŭkach, što «Biełaruski prezident pryjechaŭ u Tureččynu z synam» dy źmiaścili vielmi miłyja zdymki Łukašenki j syna — takich nie vidać u biełaruskich vydańniach, — na jakich, praŭda, abviali chłopčyka kružkom.
Na hetym tle vyłučyłasia tolki nacyjanalistyčnaja bulvarnaja «Viačorka» («Akšam»), što dała kryklivy zahałovak «Niečakany hość ź Biełarusi» i krychu pamianiała tekst ahiencyjnaje naviny, «Stambuł učora prymaŭ cikavaha hościa. Razam z prezidentam Biełarusi Alaksandram Łukašenkam, jaki prylacieŭ u Tureččynu dla sustrečy z prezidentam Abdułoj Hiulem i premjeram Taipam Erdahanam, prybyŭ i jahony
Kab paviačerać ź biełaruskim kiraŭnikom turecki prezident, praŭdapadobna, pryjechaŭ sa stalicy, Ankary. Sajt prezidenta Tureččyny strymana paviedamiŭ pra viačeru — dvuma skazami i tryma zichotkimi zdymkami. «Prezident Abduła Hiul paviačeraŭ z prezidentam Biełarusi Alaksandram Łukašenkam ŭ rezidencyi «Tarabja Kioškiu». Paśla viačery prezident Hiul adbyŭ sa Stambuła ŭ Ankaru».
Kali meta pryjezdu ŭ Turcyju — pracoŭny vizit, dyk čamu Łukašenka prylacieŭ u Stambuł, a nie ŭ stalicu Ankaru? Kali ž heta pryjezd na adpačynak, spałučany z paraj pracoŭnych sustreč, čamu pra heta nie paviedamlajecca? Ci ŭ Alaksandra Łukašenki była niejkaja sprava ŭ Turcyi, jakaja vymahała asabistaha pryjezdu, ale nie było mahčymaści aformić jaje ŭ ramkach aficyjnaha vizitu, bo Ankara nie chacieła dasyłać aficyjnaha zaprašeńnia, z pryčyny taho, što trymajecca ahulnajeŭrapiejskaj pazycyi ŭ zamiežnaj palitycy?Pra adpačynak biełaruskaha kiraŭnika tureckija vydańni pakul ničoha nie paviedamlajuć. Pra toje, ci vyjazdžaŭ Łukašenka ŭ Turcyju na adpačynak, možna budzie mierkavać tolki pa praciahłaści jahonaha pierabyvańnia tam.A moža, heta była vizantyjskaja demanstracyja Maskvie — ja spakojny, ja absalutna spakojny? Nie kožny kiraŭnik krainy moža dazvolić sabie taki vyjezd u časie vybarčaj kampanii.
Na hetyja pytańni adkazaŭ u tureckaj presie nie znachodzim. Tureckija ŚMI ŭvohule mała zacikavilisia hetym vizitam.
Adsutnaść infarmacyi pra pryčyny i abstaviny vizita Łukašenki ŭ aficyjnych ŚMI sparadziła fantastyčnyja čutki, što takim sposabam kiraŭnik dziaržavy pierapraŭlaŭ u Turcyju byłoha prezidenta Kirhizii Kurmanbieka Bakijeva.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary