Čym charčavacca pry prastudzie?

Kab nie pierahružać straŭnik ciažkaj białkovaj i tłustaj ježaj, padčas chvaroby lepš jeści pradukty, jakija lohka pieravarvajucca i nie zatrymlivajucca ŭ kišečniku.

Heta sadavina, śviežaja i tušanaja harodnina, posnyja bulony, advarnaja i tušanaja ryba, indyčka, harbata i soki. Kab nie razdražniać zapalenyja ślizistyja, adkažyciesia ad śpiecyj, vostraj i smažanaj ježy. Karysnymi buduć kašy, piure.

Pradukty i stravy, jakija dapamohuć palehčyć ciačeńnie chvaroby i paskorać vyzdaraŭleńnie.

Limon

Utrymlivaje ŭdarnuju dozu vitaminu S, jaki stymuluje naš imunitet. Dadavajcie limon u harbatu abo pryhatujcie ciopły limanad. Jon vydatna źmiakčaje horła, čyścić kroŭ i ślizistyja. Dla hetaha vyciśnicie sok pałovy limona ŭ kubak ciopłaj vady i dadajcie čajnuju łyžku miodu abo klanovaha siropu. Darečy, vialikaja kolkaść askarbinavaj kisłaty ŭtrymlivajecca taksama ŭ inšych cytrusavych, čornych parečkach, žuravinach, šypšynie i sunicach. Varycie morsy i rabicie nastoi.

Kuryny bulon

Navarysty kuryny bulon jašče ŭ XII stahodździ ličyŭsia lakarstvam suprać hrypu i prastudy. Jak pakazali sučasnyja daśledavańni, hetaja strava sapraŭdy vałodaje supraćzapalenčymi ŭłaścivaściami, a taksama časova pavialičvaje chutkaść vyłučeńnia ślizi z nosa, takim čynam pamianšajučy aciok i pračyščajučy vierchnija dychalnyja šlachi. Bolš lohki dla zasvajeńnia varyjant — posnyja bulony z aharodniny — taksama dobry ŭ jakaści asnoŭnaha siłkavańnia. Jon nadaść sił, i pry hetym arhanizmu nie daviadziecca raschodavać šmat enierhii na jaho pieravarvańnie.

Imbir

Imbirnaja harbata źjaŭlajecca vydatnym supraćmikrobnym srodkam, jaje pjuć pry prastudzie i niastraŭnaści. Imbir adnaŭlaje siły, vyvodzić taksiny, vałodaje supraćzapalenčymi ŭłaścivaściami. Prakipiacicie dźvie stałovyja łyžki nadziortaha śviežaha imbiru ŭ dźviuch šklankach vady na praciahu 15 chvilin i dajcie nastojacca jašče 10 chvilin. Picie pa nieabchodnaści. Dla ŭzmacnieńnia efiektyŭnaści napoju dadajcie ŭ kubak niekalki štuk nasieńnia kmienu.

Časnok

Syry časnok svaim pacham adpudžvaje nie tolki ludziej, ale i virusy. A ŭsio dziakujučy alicynu — hetaje rečyva nadzialaje časnok vostrym, piakučym pacham i bakterycydnymi ŭłaścivaściami. Časnok źjaŭlajecca pryrodnym antybijotykam, paskaraje adnaŭleńnie arhanizma paśla hrypu i dapamahaje procistajać zachvorvańniu.

Lekavyja travy

Zialonaja abo čornaja harbata z dabaŭleńniem liścia miaty, lipavaha ćvietu i maciarduški — vydatny patahonny srodak, nie horšy za malinavaje vareńnie. Vypicie haračy napoj — i chutčej u łožak! Ramonak možna zavarvać jak harbatu i vykarystoŭvać dla pałaskańniaŭ. Raślina zdaŭna słavicca svaimi supraćzapalenčymi ŭłaścivaściami.

Apielsinavy sok

Miedycynskija daśledavańni pakazali, što vitamin S, jaki ŭtrymlivajecca ŭ apielsinavym soku, moža paskoryć vyzdaraŭleńnie ad prastudy, a 1000 mh vitaminu S, jaki treba prymać kožnyja 6 hadzin, efiektyŭna praduchilajuć simptomy zachvorvańnia.

Prastudžanamu čałavieku rekamiendujecca jak maha bolš pić ciopłych (nie haračych!) napojaŭ. Padvyšanaje ŭžyvańnie vadkaści dapamahaje vymyvać z arhanizma pradukty žyćciadziejnaści virusaŭ i bakteryj i mietabality lekavych preparataŭ, jakija my prymajem dla taho, kab vylečyć prastudu (naprykład, paracetamoł). Akramia taho, bahataje pitvo razredžvaje śliź, dapamahajučy ačyścić zakładzienyja nos i horła.

miod

Usim viadomyja hajučyja ŭłaścivaści miodu. Jon vałodaje patahonnym dziejańniem i padvyšaje imunitet. Pryjom dźviuch čajnych łyžak miodu pierad snom pamianšaje častatu načnoha kašlu i paskaraje zasynańnie. Recept najpraściejšaha siropu ad kašlu: łyžka miodu z paraj kropiel limonnaha soku.

Kivi

Utrymańnie vitaminu S u hetym ekzatyčnym płodzie bje ŭsie rekordy. Jano navat vyšejšaje, čym u cytrusavych. Užyvańnie kivi asabliva karysnaje pry reśpiratornych infiekcyjach, asabliva dzieciam.

• 0
• 0
• 0
• 0
• 0
• 0
• 0
• 0