Alaksandr Łukašenka padpisaŭ ukaz № 522 «Ab ustanaŭleńni stavak vyvaznych mytnych pošlin na lesamateryjały». U adpaviednaści z dakumientam praduhledžvajecca dyfierencyravany padychod da ŭviadzieńnia vyvaznych mytnych pošlin na peŭnyja tavarnyja hrupy lesamateryjałaŭ.
Tak, uviadzieńnie vyvaznych mytnych pošlin u pamiery 100 jeŭra za 1 kub.m na paliŭnuju draŭninu ŭ vyhladzie biarvionaŭ, palen, sukoŭ, viazanak suchoha halla ŭsich parod daŭžynioj bolš jak 1 m budzie barjeram dla ich ekspartu. Heta miera nakiravana na stymulavańnie pierapracoŭki ŭnutry krainy dryvianoj draŭniny ŭ ščepki abo raskołatyja drovy i pavieličeńnie dabaŭlenaj vartaści pry ich prodažy.
Usio heta pasłužyć stymułam dla stvareńnia vytvorčaściaŭ pa vypusku kołatych droŭ i paliŭnych ščepak, u tym liku z pryciahnieńniem zamiežnych inviestycyj. Ciapier u sistemie Minlashasa stvorana 31 vytvorčaść pa vypusku paliŭnych ščepak u abjomie kala 0,5 młn kub.m. Pry hetym ahulny abjom spažyvańnia pradpryjemstvami ŽKH i Minenierha składaje kala 0,3 młn kub.m. Akramia taho, pracujuć siem vytvorčaściaŭ pa vypusku kołatych droŭ, dadatkova budzie arhanizavana jašče vosiem.
Na kruhłuju draŭninu z dubu, a taksama apracavanuju farbaj, travicielami, kreazotam ci inšymi kansiervantami, ustanaŭlivajecca vyvaznaja mytnaja pošlina ŭ pamiery 100 jeŭra za 1 kub.m. Heta budzie sadziejničać abmiežavańniu vyvazu ćvierdalistaj draŭniny z mytnaj terytoryi Respubliki Biełaruś za miežy krain — členaŭ Mytnaha sajuza, efiektyŭnamu vykarystańniu resursaŭ kaštoŭnaj ćvierdalistaj draŭniny ajčynnymi drevaapracoŭčymi pradpryjemstvami, vypusku pradukcyi z vysokaj dabaŭlenaj vartaściu (mebla, špon i inšyja), što, adpaviedna, pavialičyć dachody respublikanskaha biudžetu za košt ekspartu.
Na pali, kały i zavostranyja słupy ćvierdalistavych parod praduhledžvajecca vyvaznaja mytnaja pošlina ŭ pamiery 100 jeŭra za 1 kub.m. Takaja miera pavinna praduchilić vyvaz z mytnaj terytoryi Biełarusi za miežy krain — členaŭ Mytnaha sajuza pad vyhladam słupoŭ kaštoŭnaj dubovaj draŭniny. Na piłapradukcyju z dubu, buku, klonu ŭstanaŭlivajecca vyvaznaja mytnaja pošlina ŭ pamiery 100 jeŭra za 1 kub.m. Heta nieabchodna dla abmiežavańnia vyvazu piłapradukcyi ćvierdalistych parod ź nizkaj stupieńniu pierapracoŭki, jakuju metazhodna vykarystoŭvać dla vytvorčaści mebli i atrymańnia pradukcyi vysokaj dabaŭlenaj vartaści.
Na inšuju piłapradukcyju ź listavych i chvojnych parod praduhledžvajecca nulavaja staŭka vyvaznoj mytnaj pošliny.
Pryniaty ŭkaz daść mahčymaść stvaryć umovy dla racyjanalnaha vykarystańnia ćvierdalistych parod draŭniny ŭnutry krainy, vytvorčaści pradukcyi z vysokaj dabaŭlenaj vartaściu, što, adpaviedna, pavialičyć dachody pradpryjemstvaŭ i adličeńni ŭ respublikanski biudžet.
Ukaz ustupaje ŭ siłu z dnia jaho aficyjnaha apublikavańnia.
Kamientary