Rasieja rvie łancuhi biełaruskaha kalanijalizmu
Maskva stała demanizavać aficyjnaha lidera susiedniaj krainy. I heta jość symptomam, što tam razzłavalisia nie na žart. Nie, havorka zusim nie pra Saakašvili!..
Maskva stała demanizavać aficyjnaha lidera susiedniaj krainy. I heta jość symptomam, što tam razzłavalisia nie na žart. Nie, havorka zusim nie pra Saakašvili!..
Siońnia adzin maskoŭski palitolah paviedamiŭ padčas telefonnaj razmovy: Kreml, maŭlaŭ, asabliva začapiła toje, što Łukašenka abrynuŭsia čarhovy raz sa svaimi filipikami (majecca na ŭvazie presavaja kanferencyja 29 vieraśnia), skarystaŭšysia sytuacyjaj kanfliktu z Hruzijaj.
Pra "zdradnicki ŭdar u śpinu partnera pa sajuznaj dziaržavie ŭ momant razharu rasiejska-hruzinskaha kryzysu" ćvierdzić u svaim našumiełym artykule i rasiejski analityk Andrej Suzdalcaŭ.
Zvyš taho, jon nazyvaje biełaruskaha kiraŭnika "vyklučna naturystym nacyjanalistam", abvinavačvaje ŭ "kalanijalnaj ekspluatacyi Rasiei", a taksama robić vysnovu, što, prapanavaŭšy sumiesnyja prajekty Alijevu, Łukašenka faktyčna nadaŭ svajoj krainie rolu asacyjavanaha siabra HUAM.
Nie pretendujučy na amplua "advakata djabła", varta, adnak, zaznačyć, što sabak naviešali až zanadta.
Naprykład, padrychtoŭka presavych turaŭ dla rasiejskich pravincyjnych žurnalistaŭ — kłopat nie adnaho dnia. Ceły šerah arhanizacyjnych pytańniaŭ vyrašajecca praź biełaruskuju ambasadu ŭ Maskvie. Treba ž i kantynhient nadziejny padabrać, i transfer zabiaśpiečyć, i h.d.
Karaciej, pijar-akcyja z udziełam pradstaŭnikoŭ rasiejskich medyjaŭ rychtavałasia zadoŭha da taho, jak u Tbilisi ŭviečary 27 vieraśnia aryštavali aficeraŭ HRU. Kali zdaryŭsia hety incydent, žurnalisty z susiedniaj krainy ŭžo haściavali ŭ nas i paśpieli naviedać Aŭhustoŭski kanał, lidzkuju "Łakafarbu" dy niejki ŭzorny kaaperatyŭ.
Inačaj kažučy, pijaraŭskaja strelba aficyjnaha Mienska była zaradžanaja zahadzia. Alaksandar Łukašenka peŭna ž viedaŭ, što nie abydziecca biez pytańniaŭ pra haz, kanstytucyjny akt, "tarmažeńnie sajuznaha budaŭnictva" — i byŭ hatovy, miakka kažučy, vykłaści svoj punkt pohladu. Niezaležna ad padziejaŭ u Tbilisi.
A voś da takoha zyhzahu, jak siabroŭstva ŭ HUAMie, chaj sabie i asacyjavanaje, biełaruskaje kiraŭnictva maralna i navat mentalna nie hatovaje. Jano hulaje ŭ svaju hulniu.
Kreml ža ŭ dačynieńni da biełaruskaha aficyjnaha lidera peŭna ŭklučyŭ kanśpirałahičnaje myśleńnie, zvykłaje dla ludziej sa specsłužbaŭ, što viaduć rej u rasiejskaj uładzie. Hulnia stanovicca ryzykoŭnaj.
Toje, što Maskva zakusiła hubu, ekspert Leanid Zaika tłumačyć tak: "Łukašenka nia vykanaŭ rasparadžeńnia Pucina ab pieradačy ŭłady nastupnamu kandydatu na prezydenta...".
Miž tym staršynia AHP Anatol Labiedźka śćviardžaje, što zaraz, jak ni paradaksalna, "akcyi apanentaŭ biełaruskaha režymu padraśli ŭ canie". Bo, z adnaho boku, Kreml pačnie aktyŭna farmavać tut svaju kalonu, a ź inšaha boku — Brusel na imaviernych pieramovach z tutejšaj uładaj pastavić umovu choć trochi asłabić piatlu na šyi apazycyi.
Dadamo, što łahadniej stavicca da jaje (kali nia zaraz, dyk praz paŭhodu-hod) moža zmusić i paharšeńnie ekanamičnaje sytuacyi, kali enerhanośbity padaražejuć rezka.
Uvohule ž, nia ŭzvažvajučy słušnaści pieraličanych versijaŭ, varta zaznačyć, što siońnia, z narastańniem napružańnia ŭ dačynieńniach z Maskvoju, ściskajecca spružyna patencyjna mocnych čyńnikaŭ uździejańnia na biełaruskuju sytuacyju. Kali jana raptam rasprastajecca, my možam stać śviedkami cikavaha i dynamičnaha siužetu.
P.S. Darečy, kanfidencyjnaja krynica ŭ Maskvie paviedamiła, što ŭ peŭnych rasiejskich kołach pahavorvajuć navat pra zakryćcio miažy ź Biełaruśsiu — pad markaj abarony ad "kiepskich hruzinaŭ". Jak vam taki zyhzah bratniaj intehracyi?
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary