Reinkarnacyja festyvalu andehraundnaj kultury «NIEfarmat» — 30 listapada
prymierkavanaja da 15-aj hadaviny mastackaha ruchu "BUM-BAM-LIT" (1995 - 1999).
30 listapada, 18.00 R-klub(Surhanava, 26)
Uvachod: 7 tys. rubloŭ (čekbar - na hetuju summu voźmiecie što zachočacie na bary)
U prahramie:
- Ad vydaviectva "Halijafy" prezentacyja knihi vieršaŭ Adama Hhłobusa "Novaje nieba".
- Ad vydaviectva "Halijafy" prezentacyja knihi transhresiŭnaj prozy Illi Sina "Teatralnyja demany".
Aŭdyjavyviaržeńni Planet N i ekzystencyjnaja klaŭnada Teatra psychičnaje nieŭraŭnavažanaści.
- Paety/muzyki: niepaduładny analizu syntez
Viktar Žybul, Džeci i Aleś Turovič / Kniaź Myškin
Volha Hapiejeva / Buben
Źmicier Višnioŭ / Spit It Out
Arciom Kavaleŭski / Kritchev vs.Ban
Jaryła Pšaničny / Karaoke Vomit
Sierž Minskievič / Raw N^D
- Performans Jurasia Barysieviča
- Muzyka Aortha, Art-project, Aleks Kustaŭ
- I niešta jašče...
Dziejnyja asoby:
Bum-bam-lit. Pieršy avanhardovy ruch u biełaruskaj litaratury, jaki značna źmianiŭ usieahulnaje pra jaje ujaŭleńnie. U kanservatyŭny i prasiaknuty kanvencyjamibiellit pryjšła kampanija šyzanutych chłopcaŭ, ad vyhladu jakich u našych klasykaŭ naelektryzoŭvalisia ich bronzavyja vusy. Panteon-nekropal staŭ miescam viečarynak i tancaŭ. Ale najcikaviejšyja akcyi BBŁ, -- nakštałt čytańnia vieršaŭ žyviołam i zasnavańnia biełaruskaj kalonii ŭ Afrycy – tak i nie byli realizavanyja.
Adam Hłobus. Asoba, jakuju pradstaŭlać niama patreby. Varta, adnak, zhadać, što jašče ŭ 80-yja hady Hłobus staŭ kultavym i, badaj, samym upłyvovym aŭtaram mienskaha anderhraŭndu. Na imprezie prahučać znakamityja vieršy toj pary ŭ vykanańni aŭtara. Dla kahości – nastalžy, a dla kahości - novaje adkryćcio hetaj persony, šmatmiernaj by jaki tytanik Renesansu.
Illa Sin i jaho "Teatralnyja demany". "Vandroŭka na submarynie pa zatoplenym Miensku spakvala pieraŭtvarajecca ŭ ekskursiju pa nietrach padśviadomaści aŭtara, znajomstva ź jaje floraj i faŭnaj. Kniha nasielenaja bieźličču efiemernych i jaŭna prydumanych istotaŭ, jakija i dali joj nazvu. Časam publika niby adčuvaje siabie za kulisami amatarskaha teatru, dzie lubaja trahiedyja pieraŭtvarajecca ŭ fars. Ale ŭsio ž naprykancy hetaha trypa vas moža naviedać niazmušanaja nadzieja na sapraŭdnaść..." ( z anatacyi da knihi). Padčas performansu aŭtar abiacaje "patreści starymi kostkami".
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary