Biełaruskija dzieci ciapier nia zmohuć adpačyvać u italjanskich siemjach
Redakcyja «Salidarnaści» atrymała list, padpisany doktarkaj Łarysaj Sazanovič, jakaja pracuje ŭ Ruska-italjanskim psychalahičnym centry. Aŭtar dopisu paviedamlaje, što ad hetaha času biełaruskija ŭłady vystavili novyja ŭmovy, jakija ŭniemahčymlivajuć adpačynak dziaciej z našaj krainy ŭ italjanskich siemjach.
Redakcyja «Salidarnaści» atrymała list, padpisany doktarkaj Łarysaj Sazanovič, jakaja pracuje ŭ Ruska-italjanskim psychalahičnym centry. Aŭtar dopisu paviedamlaje, što ad hetaha času biełaruskija ŭłady vystavili novyja ŭmovy, jakija ŭniemahčymlivajuć adpačynak dziaciej z našaj krainy ŭ italjanskich siemjach.
«Jak psycholah, jaki praktykuje ŭ Italii j supracoŭničaje z mnohimi arhanizacyjami, jakija zaprašajuć ruskich i biełaruskich dziaciej-sirotaŭ u italjanskija siemji na časovy peryjad, nie mahu zastacca abyjakavaj da apošnich padziejaŭ hetych dzion, – piša Łarysa Sazanovič. – 2 listapada 2006 hodu ŭ etery italjanskaj televizii prahučaŭ hołas maleńkaj biełaruskaj dziaŭčynki Viki Maroz. 10-hadovaja Vika, sama taho nia viedajučy, stałasia symbalem bolš jak 2000 biełaruskich sirotaŭ, jakija hetaksama jak i jana čakajuć sustrečy z svaimi italjanskimi siemjami.
Navina apošnich dzion, jakaja, na žal, zastajecca biez uvahi: “Pryniataje rašeńnie zblakavać azdaraŭlenčyja pajezdki ŭ Italiju dla biełaruskich sirotaŭ z umovaj, što hetyja dzieci buduć znachodzicca ŭ arhanizavanych specyjalnych strukturach (letniki, pansijony i h.d.)”, – paviedamiŭ u aficyjnym liście (nadrukavanym na sajcie www.sardegnabelarus.it ) dyrektar departamentu pa humanitarnaj dziejnaści Ŭpraŭleńnia spravami prezydenta Respubliki Biełarusi Alaksandar Kalada prezydentu asacyjacyi “Cittadini del Mondo”.
Heta značyć, što mienavita tyja dzieci, jakim bolš za ŭsio patrebnaja siamja, u siamju pryjechać bolš nia zmohuć. Siroty składajuć 11,7% z 20.000 dziaciej, jakija štohod pryjaždžajuć u Italiju. Bolšaść ź ich pryjaždžaje ŭžo šmat hadoŭ i ŭzajeminy, jakija skłalisia za hetyja hady, nabyli charaktar hłybokaj uzajemnaj pryviazanaści i davieru. Ja pracuju bahata ź jakimi italjanskimi siemjami, jakija praktyčna «vyraścili» biełaruskich dzietak za hetyja hady, i niekatoryja ź ich zaprašajuć ich voś užo bolš za 10 hadoŭ».
Pavodle zrazumiełych pryčynaŭ, atrymać kamentar 7 listapada ŭ departamencie pa humanitarnaj dziejnaści «Salidarnaści» nie ŭdałosia.
Kamientary