«Dažie boitieś upomianuť, čto vaša paršivaja hazietionka doživajet poślednije dni»
Niezaležnaja hazieta «Briestskij kuŕjer» atrymała list ad razhnievanaha čytača, jaki padpisaŭsia «patriotom Biełarusi».
31 studzienia ŭ redakcyju niezaležnaj haziety «Briestskij kuŕjer» pryjšoŭ list, padpisany «patriotom Biełarusi».
List niezvyčajny, bo napisany na staronkach apošniaha numaru vydańnia. A kankretna – na pałosach, dzie raźmiaścilisia artykuły pra žurnalistku Natallu Radzinu i kandydata ŭ prezidenty Uładzimira Niaklajeva, jakim na minułym tydni źmianili mieru strymańnia.
Svajo pasłańnie nieviadomy patryjot pačaŭ vyvodzić akuratnym kruhłym počyrkam jašče na advarotnym baku kanvierta, azdoblenaha vyjavaj Čyrvonaha kaścioła ŭ Minsku i vinšavańniem sa Śviatam Božaha naradžeńnia:
«Napravlen oficialnyj zapros v Minsk na zakrytije podobnoj hazietienki. Dažie boitieś upomianuť, čto vaša paršivaja hazietienka doživajet poślednije dni».Na hazietnych pałosach jon napisaŭ markieram. Pavierch artykuła «U ciažkuju hadzinu Natallu Radzinu padtrymlivajuć nie tolki baćki» ananim paznačyŭ: «Čto chotieła to i połučiła. Nie nado pisať protiv vietra. Mośki oni jesť mośki jeŝie Kryłov pisał». Niaklajevu dastalisia nastupnyja słovy:
«Eto nie poet a pisaka. Uhołovnaja roža zieka i priedatiela Rodiny. Etu pisaninu v tualet i na pomojku».A hałoŭnamu redaktaru «BK» Mikałaju Alaksandravu aburany ananim u niecenzurnaj formie prapanavaŭ źjechać u Izrail:
«U*byvaj kozieł v Izrail žid idiot. Chvatit piečatať vsiakuju čuš».Nielha nie adznačyć, što artykuł redaktara ŭ tym numary nazyvaŭsia «Nastojaŝich bujnych mnoho…»
«Hety list pakazalny svajoj padkreślenaj ahresiŭnaściu, navat fašyzmam»,– havoryć hałoŭny redaktar Mikałaj Alaksandraŭ. Jon miarkuje, što za ananimkaj staić blizki da čynoŭnickich kołaŭ čałaviek, abo były čynoŭnik. Na takija dumki navodzić dopis na kanviercie pra aficyjny zapyt. Redakcyja «BK» nie budzie źviartacca ŭ pravaachoŭnyja orhany ŭ suviazi z atrymańniem ananimki. «Niama na heta času, dyj biessensoŭna heta. U bližejšym numary nadrukujem artykuł na hetu temu. Słova – naša hałoŭnaja zbroja», – padkreśliŭ M. Alaksandraŭ.
Za dvaccacihadovuju historyju dziejnaści «Briestskij kuŕjer» atrymlivaŭ samuju roznuju karespandencyju, raskazaŭ hałoŭny redaktar vydańnia. Apošnim časam u redakcyju prychodziać čaściej pazityŭnyja vodhuki – u formie listoŭ, telefanavańniaŭ. Časam i krytykujuć. «Vosieńniu patelefanavała adna žančyna i mietaličnym hołasam zapytała, kolki nam zapłaciła Rasija», – pryhadvaje Mikałaj Alaksandraŭ. Jaje aburyŭ artykuł pra niaprostyja ŭzajemadačynieńni kiraŭnikoŭ Biełarusi i Rasii.
Hladzi taksama: adkaz redakcyi «Briestkoho kuŕjera» na list ananimnaha «patryjota».
Ciapier čytajuć
Za vybuch u minskim mietro sudzili nie tolki Kanavałava i Kavalova. Jak skłaŭsia los jašče troch fihurantaŭ spravy?1
Kamientary