Lidera Demakratyčnych siłaŭ siońnia ŭviečary zatrymali ŭ Nacyjanalnym aeraporcie «Miensk-2», kali jon viartaŭsia z Ryskaha samitu NATO, dzie sustrakaŭsia z prezydentami Bušam i Vikie-Frajberhaj. Jaho adpuścili a 20.40. Jaho abvinavačvajuć u «naŭmysnym pierasiačeńni miažy pa niesapraŭdnych dakumentach». Za heta jamu pahražaje dva miesiacy papraŭčych rabotaŭ. A ŭsia sprava ŭ tym, što ŭ časie jahonaha adjezdu pabłytali jahony pašpart z pašpartam jahonaha syna.
Lidera Demakratyčnych siłaŭ siońnia ŭviečary zatrymali ŭ Nacyjanalnym aeraporcie «Miensk-2», kali jon viartaŭsia z Ryskaha samitu NATO, dzie sustrakaŭsia z prezydentami Bušam i Vikie-Frajberhaj. Jaho adpuścili a 20.40. Jaho abvinavačvajuć u «naŭmysnym pierasiačeńni miažy pa niesapraŭdnych dakumentach». Za heta jamu pahražaje dva miesiacy papraŭčych rabotaŭ. A ŭsia sprava ŭ tym, što ŭ časie jahonaha adjezdu pabłytali jahony pašpart z pašpartam jahonaha syna.
Jak paviedamiŭ presavy sakratar Alaksandra Milinkieviča Pavał Mažejka, lidera abjadnanaj apazycyi siońnia ŭviečary zatrymali ŭ Nacyjanalnym aeraporcie «Miensk-2». Milinkievič viartaŭsia z Ryskaha samitu NATO. Pra zatrymańnie A.Milinkievič paśpieŭ paviedamić, pakul u jaho nia vymknuli mabilnik. "Pamiežniki j supracoŭniki ŭ cyvilnym zajavili Milinkieviču, što jahonyja dakumenty nie ŭ paradku, što vydaje na toje, što jon ich padrabiŭ. I jon paśpieŭ skazać, što składajecca pratakoł mienavita pra falšyvyja dakumenty. Nakolki ja zrazumieŭ i pa hołasie i pa źmieście taho, što jon skazaŭ, sytuacyja dosyć surjoznaja».
Pavał Mažejka skazaŭ, što ŭ Milinkieviča, jasnaja reč, zakonny pašpart, ź jakim jon lehalna vyjechaŭ u Ryhu i šmat padarožničaje. Spadar Mažejka nazvaŭ vypadak čarhovaj pravakacyjaj i psychalahičnym ciskam napiaredadni pajezdki eks-kandydata ŭ prezydenty ŭ Strasburh na sesiju Eŭraparlamentu. Tam Milinkieviču majuć uručyć premiju imia A.Sacharava.
Miž tym sutnaść spravy anekdatyčnaja. Kali Milinkievič vylataŭ u Ryhu na samit NATO, to pamyłkova addaŭ pamiežnikam nia svoj pašpart, a pašpart syna – taksama Alaksandra Milinkieviča, ale Alaksandraviča i 1974 hodu naradžeńnia. Synaŭ dakument lažaŭ u baćki vypadkova ŭ adnoj kišeni ź jahonym. Pamiežniki, musić, nie źviarnuli ŭvahi, što Milinkievič na 25 hadoŭ starejšy za adznačany ŭ dakumencie ŭzrost, što ŭ pašparcie adsutničaje łatvijskaja viza, dyj blambnuli tudy štamp. Jak ciapier robicca: "Tavaryš načalnik, tut Milinkievič jedzie. Abšukvać z raździavańniem? Nie. Nu to ščaślivuju darohu". Sam Milinkievič vyjaviŭ, što jamu pastavili štamp u pašpart syna tolki ŭ Ryzie. Hety vypadak užo ŭčora jak anekdot hulaŭ pa mienskich palityčnych i dyplamatyčnych kalidorach.
Varta nahadać, što Milinkievič udzielničaŭ u Ryzie ŭ samicie na zaprašeńnie prezydenta Łatvii Vajry Vikie-Frajberhi. Padčas samitu jon mieŭ karotki abmien dumkami z prezydentam ZŠA Džordžam Bušam. Jon taksama mieŭ hruntoŭnyja havorki ź viadomymi palitolahami Źbihnievam Bžazinskim (ZŠA) i Siarhiejem Karahanavym (Rasieja).
❏
Nijakich novych źviestak pra Milinkieviča niama. «Apošni raz udałosia ź im źviazacca napačtku 18-j hadziny, — kaža pres-sakratar palityka Pavał Mažejka. — Ad taho času suviazi ź im niama, telefon adklučany». Aficyjnyja asoby admaŭlajucca davać infarmacyju, dzie Milinkievič, što ź im, kali jaho adpuściać. Z-za adsutnaści infarmacyi ludzi, što čakajuć Milinkieviča ŭ aeraporcie, navat nia peŭnienyja, ci palityk uvohule jašče tam.
❏
Niekalki chvilin tamu Alaksandar Milinkievič byŭ vyzvaleny ŭ aeraporcie «Miensk-2». Jaho abvinavacili ŭ naŭmysnym pierasiačeńni miažy pa niesapraŭdnych dakumentach. Pa hetym abvinavačvańni jamu pahražaje vialiki štraf abo papraŭčyja raboty da 2-ch miesiacaŭ.
Zastajecca dadać, što heta ŭžo, prynamsi, šostaje zatrymańnie Milinkieviča sioleta.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro2
Kamientary