Lubimy syn Kadafi Siejf
Lubimy syn Kadafi Siejful-Isłam — druhi pa ŭzroście, ad druhoha šlubu Muamara Kadafi. Mnohaje śviedčyła, što mienavita jamu raźličvaŭ pieradać uładu baćka. Jon vykonvaŭ funkcyi dypłamatyčnaha i palityčnaha pradstaŭnika baćki. Aficyjna Siejf ul-Isłam (u pierakładzie — Mieč Isłama) zajmaje pasadu kiraŭnika Asacyjacyi narkakantrolu i dabračynnaha fondu. Jon prasłaviŭsia svaimi raskošnymi viečarynkami na dni naradžeńnia na samych darahich jeŭrapiejskich kurortach, z udziełam jeŭrapiejskich miljarderaŭ, u tym liku Dzierypaski.Akurat Siejf
ul-Isłam vystupiŭ z telezvarotam paśla taho, jak stała niemahčyma dalej zamoŭčvać pratesty. Jahonyja arhumienty pierahukajucca z tymi, jakija biełarusy čujuć na BT.
«Muamar Kadafi krainy nie zdaść. Jon tut i budzie zmahacca da apošniaj chviliny, da apošniaha patrona»
«Heta bandyty i narkamany».
«Za biesparadkami stajać zamiežnyja elemienty. Tuniskija i jehipieckija najmity taksama tut, i pry tym jany ŭzbrojenyja. Jany chočuć rasčlanić i padzialić našu krainu. Śpiecsłužby raskryli špijonskuju sietku, jakaja składajecca z hramadzian inšych arabskich dziaržaŭ».
«Livija — nie Tunis i nie Jehipiet. Dla Livii nieprymalny i niemahčymy scenar revalucyj».
«Kadafi — nie Mubarak i nie Ben Ali, kłasičnyja tyrany. Jon — narodny lidar».
«U vypadku praciahu pratestaŭ kraina pahruzicca ŭ kryvavuju hramadzianskuju vajnu».
«U nas budzie novy ściah i himn. Ale ŭ nas nie budzie nafty, i chleba taksama nie budzie. Ciapier my smutkujem pa 200 zahinułych, a budziem smutkavać pa sta tysiačach».
* * *
U 2008 hodzie Siejf ul-Isłam Kadafi abaraniŭ doktarskuju dysiertacyju ŭ Łondanskaj škole ekanomiki na temu «Rola hramadzianskaj supolnaści ŭ demakratyzacyi mižnarodnych instytutaŭ: ad «miakkaj siły» da kalektyŭnaha pryniaćcia rašeńniaŭ?»
Druhi syn Kadafi Mutasim pracuje «kaardynataram siłavych struktur», daradcam pa nacyjanalnaj biaśpiecy. Treci, Chamis, uznačalvaje bryhadu typu biełaruskaha SOBRa. Usiaho ŭ Kadafi 8 svaich dziaciej, u tym liku 7 synoŭ, i dvoje pryjomnych dziaciej.
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
Ciapier čytajuć
Babaryka: Kali b my pieramahli — vajny va Ukrainie nie było b29
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»88
Kamientary