Vybuch u dvuchpaviarchovym cahlanym budynku z mansardaj z nastupnym uzharańniem adbyŭsia viečaram 21 lutaha.
Mierkavanaj pryčynaj nadzvyčajnaha zdareńnia na pradpryjemstvie «Vydatnaja jakaść» u vioscy Bujaki Bresckaha rajona staŭ vybuch prapanu.
Jak paviedamlałasia, vybuch u dvuchpaviarchovym cahlanym budynku z mansardaj z nastupnym uzharańniem adbyŭsia viečaram 21 lutaha. Pad abvalenymi kanstrukcyjami ŭ pamiaškańni haraža, raźmieščanaha na cokalnym paviersie, apynulisia dva čałavieki.
Dla razborki zavałaŭ pryciahvalisia bolš čym 30 adzinak techniki, a taksama 91 supracoŭnik MNS i 27 rabotnikaŭ inšych arhanizacyj. Raboty pa pošuku ludziej vialisia adnačasova z tušeńniem pažaru, jaki byŭ likvidavany ŭ 20.00.
Budynak, dzie adbyŭsia vybuch, naležyć pryvatnamu handlovamu ŭnitarnamu pradpryjemstvu «Vydatnaja jakaść». Jon byŭ pabudavany ŭ 2005 hodzie.
«My schilajemsia da viersii, što adbyłasia ŭciečka prapanu z bałona, jaki znachodziŭsia na cokalnym paviersie budynka, —paviedamiŭ śledčy śledčaha adździeła prakuratury Bresckaj vobłaści Andrej Chodar. — U vyniku haz zapoŭniŭ pamiaškańni hetaha pavierchu, a mienavita haraža i raźmieščanaha pobač ź im składa. Zatym adbyŭsia vybuch prapanu».
Pavodle najaŭnych źviestak, vybuch nie supravadžaŭsia hareńniem. «Pa ŭsioj bačnaści, vybucham raskidała haručyja materyjały, jakija zachoŭvalisia ŭ pamiaškańni składa i haraža, a taksama adbyłosia zamykańnie elektrapravodki, tamu ŭźnik pažar. Nie vyklučana, što byŭ druhi vybuch hazu, jaki jašče zastavaŭsia ŭ bałonie», — skazaŭ śledčy.
U vyniku vybuchu byli razburany apornyja kanstrukcyi ścien cokalnaha i pieršaha pavierchaŭ budynka, što paciahnuła za saboj abrušeńnie žalezabietonnych plit pierakryćcia.
Pavodle słoŭ Chodara, ustanoŭlena, što prapan vykarystoŭvaŭsia na pradpryjemstvie dla pracy na hazazvaračnym abstalavańni, frahmienty jakoha byli znojdzieny ŭ haražy. Hety ž haz vykarystoŭvaŭsia dla pracy hazavaj plity. U haražy znojdzieny paškodžany hazavy bałon.
22 lutaha śledčy adździeł prakuratury Bresckaj vobłaści raspačaŭ pa fakcie vybuchu spravu pa č. 2 art. 306 Kryminalnaha kodeksa (parušeńnie praviłaŭ achovy pracy).
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»5
Kamientary