Milinkievič pa vynikach sustrečy ź Fiule: ES prypyniaje supracu z uradam da vyzvaleńnia viaźniaŭ
Akcent u supracy z našaj krainaj budzie rabicca na supracoŭnictva z hramadstvam, pierš za ŭsio z demakratyčnaj častkaj hramadstva.
Ministry zamiežnych spraŭ krain «Vyšahradskaj hrupy» — Vuhorščyny, Polščy, Słavaččyny i Čechii — a taksama Niamieččyny zrabili napiaredadni ŭ Bracisłavie zajavu pa Biełarusi. Jany zaklikali Alaksandra Łukašenku vyzvalić usich palityčnych viaźniaŭ i spynić pieraśled apazicyi. U advarotnym vypadku Miensku pahražajuć dalejšyja sankcyi. Ad Biełarusi ŭ Bracisłaŭskich sustrečach braŭ udzieł lidar Ruchu za svabodu Alaksandr Milinkievič. Jon mieŭ sustreču ź jeŭrakamisaram pa pytańniachkrain-susiedziaŭ Štefanam Fiule. Voś što raskazaŭ Milinkievič pa vynikach sustrečy:
— Supracoŭnictva z uradam prypyniajecca da vyzvaleńnia viaźniaŭ, i akcent u supracy z našaj krainaj budzie rabicca na supracoŭnictva z hramadstvam, pierš za ŭsio z demakratyčnaj častkaj hramadstva, ź niaŭradavymi arhanizacyjami, i na padtrymcy volnych ŚMI. Pra heta my havaryli ź jeŭrakamisaram. Takim čynam, supracoŭnictva z uradam prypyniajecca i pieranosicca na niedziaržaŭny siektar. Ale hetyja prajekty nialohka realizavać, bo kraina samaizalujecca.
My havaryli taksama pra toje, što biełaruskamu narodu doraha kaštuje zachavańnie toj sistemy ŭłady, jakuju pabudavaŭ Łukašenka. Biełaruski narod ciarpić i treba zrabić usio, kab jon hetaha nie adčuvaŭ. Prapahanda, biezumoŭna, budzie vykarystoŭvać toje, što ŭ nas adbyłosia na vybarach, i siońniašnija sudy nad palitviaźniami — buduć kazać, što na Zachadzie vorahi, a ŭnutry krainy ich ahienty. Tamu my pavinny heta ŭsio raźbivać, bo heta poŭnaja chłuśnia, i biełarusy pavinny viedać, što izalujecca nie biełaruski narod, ale ŭłada, jakaja pavodzić siabie nieadpaviedna normam žyćcia ŭ Jeŭropie.
Što zapisana aficyjnaj pryčynaj śmierci adzinaha syna Jarmošynaj?8
Kamientary