Мілінкевіч па выніках сустрэчы з Фюле: ЕС прыпыняе супрацу з урадам да вызвалення вязняў
Акцэнт у супрацы з нашай краінай будзе рабіцца на супрацоўніцтва з грамадствам, перш за ўсё з дэмакратычнай часткай грамадства.
Міністры замежных спраў краін «Вышаградскай групы» — Вугоршчыны, Польшчы, Славаччыны і Чэхіі — а таксама Нямеччыны зрабілі напярэдадні ў Браціславе заяву па Беларусі. Яны заклікалі Аляксандра Лукашэнку вызваліць усіх палітычных вязняў і спыніць пераслед апазіцыі. У адваротным выпадку Менску пагражаюць далейшыя санкцыі. Ад Беларусі ў Браціслаўскіх сустрэчах браў удзел лідар Руху за свабоду Аляксандр Мілінкевіч. Ён меў сустрэчу з еўракамісарам па пытанняхкраін-суседзяў Штэфанам Фюле. Вось што расказаў Мілінкевіч па выніках сустрэчы:
— Супрацоўніцтва з урадам прыпыняецца да вызвалення вязняў, і акцэнт у супрацы з нашай краінай будзе рабіцца на супрацоўніцтва з грамадствам, перш за ўсё з дэмакратычнай часткай грамадства, з няўрадавымі арганізацыямі, і на падтрымцы вольных СМІ. Пра гэта мы гаварылі з еўракамісарам. Такім чынам, супрацоўніцтва з урадам прыпыняецца і пераносіцца на недзяржаўны сектар. Але гэтыя праекты нялёгка рэалізаваць, бо краіна самаізалюецца.
Мы гаварылі таксама пра тое, што беларускаму народу дорага каштуе захаванне той сістэмы ўлады, якую пабудаваў Лукашэнка. Беларускі народ цярпіць і трэба зрабіць усё, каб ён гэтага не адчуваў. Прапаганда, безумоўна, будзе выкарыстоўваць тое, што ў нас адбылося на выбарах, і сённяшнія суды над палітвязнямі — будуць казаць, што на Захадзе ворагі, а ўнутры краіны іх агенты. Таму мы павінны гэта ўсё разбіваць, бо гэта поўная хлусня, і беларусы павінны ведаць, што ізалюецца не беларускі народ, але ўлада, якая паводзіць сябе неадпаведна нормам жыцця ў Еўропе.
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары