Uvod u stroj enerhietyčnaha złučeńnia miž Polščaj i Litvoj uzmacnić enerhietyčnuju biaśpieku.
Polšča i Litva padpisali ŭ piatnicu ŭ Vilni dahavor nakont budaŭnictva tak zvanaha enerhietyčnaha mostu, ci tranzytnaha złučeńnia elektraenerhietyčnych system dźviuch krain. Uvod u stroj enerhietyčnaha złučeńnia ź Litvoj pavinien palepšyć enerhietyčnuju biaśpieku.
Dakument pad nazvaj «Pahadnieńnie ab prajekcie spałučeńnia litoŭskaj i polskaj elektraenerhietyčnych system» było padpisana ŭ prysutnaści premjer-ministraŭ Polščy i Litvy Jarasłava Kačyńskaha i Hiedyminasa Kirkiłasa. Z polskaha boku pahadnieńnie padpisaŭ kiraŭnik Polskich elektraenerhietyčnych sietak (PES) Jacak Socha, ź litoŭskaha – hieneralny dyrektar firmy «Lietuvos Energija» Rymantas Juazacis.
Pra patrebu budaŭnictva enerhietyčnaha mostu z Polščaj Litva havoryć bolš za dziesiaci hod. Prajekt praduhledžvaje pabudovu nia tolki transhraničnaj linii Ełk–Alitus, ale i linij unutry polskaj systemy, što daść mahčymaść padklučyć navastvoranyja mahutnaści da polskaj nacyjanalnaj elektraenerhietyčnaj systemy.
PES aceńvaje košt budaŭnictva elektraenerhietyčnaj systemy na paŭnočnym uschodzie Polščy ŭ 1,6 młrd złotych. Hetyja investycyi buduć prafinansavany za košt ułasnych srodkaŭ pradpryjemstva, a samo budaŭnictva budzie doŭžycca da 2015–2020 hodu.
U toj ža čas sukupny košt abjadnańnia enerhietyčnych system aceńvajecca ŭ miljard litaŭ (290 młn eŭra). Čakajecca, što hety prajekt znojdzie finansavuju padtrymku z boku EZ.
Litoŭski bok raźličvaje, što budaŭnictva enerhietyčnaha mostu pačniecca naleta i budzie skončana ŭ 2011 hodzie. Dziakujučy złučeńniu z Polščaj Litva, a taksama Łatvija i Estonija buduć uklučany ŭ eŭrapiejskuju enerhietyčnuju systemu.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»8
Kamientary