U Minsku 5 maja adbyłasia narada ŭ miežachbiełaruska-rasijskaj rabočaj hrupy pa vyvučeńni pytańniaŭ mahčymaści stvareńnia chołdynhu aŭtavytvorcaŭ dźviuch krain, paviedamiłapres-słužba AAT «MAZ».
Ź biełaruskaha boku hrupu ŭznačalili hiendyrektar MAZa Alaksandr Baroŭski i pieršy namieśnik ministra pramysłovaści Ivan Dziemidovič.
Pavodle infarmacyi
Jak paviedamlałasia raniej, u lutym dziaržaŭnaja karparacyja «Rastechnałohii» adpraviła kiraŭnictvu Biełarusi list z prapanovaj abjadnać AAT «KAMAZ» i AAT «Minski aŭtamabilny zavod» u adnu kampaniju, u vyniku čaho KAMAZ stanie ŭładalnikam 100% akcyj MAZa, a ŭłady Biełarusi atrymajuć pakiet akcyj KAMAZa. Asnoŭnym akcyjanieram KAMAZa źjaŭlajucca «Rastechnałohii» z dolaj 49,9%, kancernu Daimler naležać 11% akcyj, «Trojcy Dyjałoh» — 27,26%, JEBRR — 4%. MAZ na 100% naležyć dziaržavie.
4 sakavika Alaksandr Baroŭski zajaviŭ, što Biełaruś budzie razhladać pytańnie stvareńnia chołdynhu MAZa jak z hrupaj HAZ, tak i z KAMAZam.
Pavodle jaho słoŭ, na imia biełaruskaha prezidenta pastupiła prapanova ab daviernym kiravańni MAZam z boku hrupy HAZ. Aprača taho, pastupiła prapanova ad «Rastechnałohij» pra abmien akcyjami MAZa i KAMAZa. Nakont hetaj prapanovy adbyłasia rabočaja sustreča. Razhladajecca varyjant nie prodažu, a abmienu akcyjami: 48% KAMAZa na 48% MAZa. «My ni ŭ jakim vypadku nie kažam pra prodaž kantrolnaha pakieta», — zaznačyŭ Baroŭski. Pavodle jaho infarmacyi, stvarajecca rabočaja hrupa, jakaja i razhledzić hetyja prapanovy.
Hiendyrektar padkreśliŭ, što MAZ zacikaŭleny ŭ stvareńni chołdynhu. «MAZ siońnia adzin nie zmoža vyžyć, nam treba z kimści abjadnoŭvacca», — miarkuje Baroŭski. Jon padkreśliŭ: pakolki 100% akcyj MAZa naležać dziaržavie, hetaje pytańnie budzie vyrašać vyšejšaje kiraŭnictva krainy.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ9
Kamientary