Takoje rašeńnie pryniaŭ 10 maja Haspadarčy sud Minska.
Haspadarčy sud Minska 10 maja pryniaŭ rašeńnie vysielić Partyju BNF, hramadskaje abjadnańnie «BNF» Adradžeńnie «, a taksama ich minskija haradskija i abłasnyja struktury sa staličnaha ofisa pa praśpiekcie Mašerava, 8. Heta pamiaškańnie arandavała arhanizacyjami z 1992 hoda.
Z pazovam ab vysialeńni struktur Partyi BNF vystupiła ŽREA Savieckaha rajona Mienska. U sudzie jaho pradstaŭnik patłumačyła niežadańnie praciahvać arendu ofisa nieabchodnaściu jaho dalejšaha vykarystańnia «dla ŭłasnych patreb».
«Ofis idealna padychodzić dla raźmiaščeńnia našych ułasnych słužbaŭ», — skazała jana.
Namieśnik staršyni Partyi BNF Ryhor Kastusioŭ paviedamiŭ BiełaPAN ab namiery abskardzić rašeńnie haspadarčaha suda. Na jaho dumku, vierahodnaść straty ofisa vielmi vialikaja. «My prapracoŭvajem roznyja varyjanty vychadu ź situacyi, adnak ciapier usio ž skancentravany na mahčymaści abaranić prava na arendu ofisa ŭ sudovym paradku», — skazaŭ Kastusioŭ.
Termin arendy pamiaškańnia pa praśpiekcie Mašerava, 8, u jakim znachodziacca ofisy Partyi BNF, HA «BNF» Adradžeńnie «, a taksama niekalki ich arhanizacyjnych struktur, zaviaršyŭsia 31 sakavika.
Kamientary