Prezident Siryi Bašaral-Asad u paniadziełak paabiacaŭ siryjcam mahčymaść źmieny kanstytucyi i chutkaha pačatku «nacyjanalnaha dyjałohu», ale žychary, jakija patrabujuć rašučych pieramienaŭ, nie pavieryli čarhovym abiacańniam uładaŭ i vysypali na vulicy Damaska i inšych haradoŭ.
Asad paabiacaŭ sfarmavać kamisiju, jakaja razhledzić pytańnie mahčymaj źmieny kanstytucyi, i padać usie mahčymyja kamientary ŭ najbližejšy miesiac. Prezident taksama skazaŭ, što paprosić Ministerstva justycyi padumać ab padaŭžeńni niadaŭna abvieščanaj amnistyi.
Siryjcy pratestujuć užo treci miesiac, i sutyknieńni pryvodzili da krovapralićcia. Novaja porcyja abiacanak źvierchu sparadziła rezki pratest.
«Nie — dyjałohu z zabojcami», — skandavaŭ natoŭp z 300 čałaviek u pryharadzie Damaska Irbinie, paviedamiŭ Reuters vidavočca pa telefonie.
Prezident pajšoŭ na šerah sastupak pad upłyvam vuličnych vystupaŭ. U kancy sakavika jon sfarmavaŭ novy ŭrad, a ŭ krasaviku admianiŭ dziejny ŭ krainie 48 hadoŭ režym nadzvyčajnaha stanovišča.
Na minułym tydni stryječny brat prezidenta — mahnat Rami Machłuf abviaściŭ ab svaim sychodzie ź biznesu, što taksama možna rascanić jak surjoznuju sastupku ŭłady demanstrantam, jakija pastajanna vykrykvali imia Machłufa na mitynhach suprać karupcyi.
Ale praciŭniki režymu Asada abiacajuć pakinuć vulicy tolki kali ŭłady navažacca i na inšyja demakratyčnyja pieraŭtvareńni.
Demanstracyi z patrabavańniami pašyreńnia svabodaŭ i adstaŭki
Kamientary