Na hetym tydni ŭ Biełarusi zachavajecca haračaje nadvorje

Jak paviedamiła hałoŭny sinoptyk Respublikanskaha hidramietearałahičnaha centra Volha Fiadotava 18 lipienia na pres-kanfierencyi ŭ Minsku, 19 lipienia tempieratura pavialičycca da 28–33°S, tolki na paŭnočnym zachadzie Biełarusi budzie na niekalki hradusaŭ chaładniej — ad 23°S da 25°S. Pry hetym u mnohich rajonach projduć karotkačasovyja navalničnyja daždžy, miescami čakajucca mocnyja viatry.

U dalejšym u siaredzinie tydnia śpioka budzie ŭzmacniacca. Pry pastupleńni jašče bolš haračych pavietranych mas ź Nižniaha Pavołža tempieraturny fon navat u načnyja časy budzie vahacca ad 17°S da 23°S, dniom 28–34°S. Karotkačasovyja daždžy buduć prachodzić tolki ŭ asobnych rajonach.

Haračaje nadvorje zachavajecca 21 lipienia. Adnak u Bresckaj vobłaści tempieratura pavietra krychu panizicca: dzionnaja tempieratura budzie vahacca ad 22°S da 25°S,

u toj čas jak na astatniaj častcy terytoryi krainy słupok termomietra budzie dabiracca da adznaki 30–34°S.

Sinoptyk paviedamiła, što pierałom u nadvorji čakajecca 22 lipienia, kali «Biełaruś stanie arenaj supraćdziejańnia roznych pa pachodžańni pavietranych mas: chaładnavatych, jakija pastupajuć z Zachodniaj Jeŭropy, i vielmi haračych, što raspaŭsiudžvajucca z poŭdnia jeŭrapiejskaha kantynienta». U hety dzień u šmatlikich rajonach prahnazujucca navalničnyja daždžy i miescami mocnyja liŭni, škvalistaje ŭzmacnieńnie vietru, tempieratura pačnie panižacca. Dzionnaja tempieratura hałoŭnym čynam čakajecca ŭ miežach 18–25°S, tolki na paŭnočnym uschodzie Biełarusi da 30°S.

Pavodle słoŭ Fiadotavaj, u vychadnyja dni Biełaruś budzie pad uździejańniem bolš śviežych pavietranych mas, jakija raspaŭsiudžvajucca z Bałtyjskaha mora. Tempieratura pavietra stanie nižejšaj.

U subotu jana čakajecca ŭ miežach 18–25°S.

U niadzielu tempieratura pavietra znoŭ pačnie pavialičvacca, paviedamiła sinoptyk. Dzionnaja tempieratura budzie znachodzicca ŭ miežach 24–29°S. Pa načach tempieratura budzie vahacca ad 9°S da 16°S. Pry hetym prahnoz na kaniec tydnia jašče budzie ŭdakładniacca.

Pavodle słoŭ Fiadotavaj, u Minsku da čaćviarha tempieratura pavietra budzie blizkaja da 30°S, a nočču — 18–20°S. 19 lipienia ŭ Minsku projdzie karotkačasovy doždž, doždž mahčymy taksama ŭ sieradu i ŭ čaćvier. 21 lipienia doždž projdzie ź vialikaj vierahodnaściu. Tempieratura pavietra dniom u piatnicu składzie 21–23°S. U vychadnyja dni budzie ŭmierana ciopła: u subotu čakajecca kala 23°S, u niadzielu — kala 27°S. Mahčymy karotkačasovy doždž.

Anastasija Janušeŭskaja, BiełaPAN.

• 0
• 0
• 0
• 0
• 0
• 0
• 0
• 0