Košt žylla, budaŭnictva jakoha adbyvajecca ź dziaržpadtrymkaj, faktyčna viarnuŭsia da cenaŭ 2008 hoda. Jak, zrešty, i zarobki.
U suviazi z devalvacyjaj rubla košt budaŭnictva žylla dla asobaŭ, jakija majuć patrebu ŭ palapšeńni žyllovych umoŭ, składaje $460 za adzin kvadratny mietr u ekvivalencie, paviedamiŭ ministr architektury i budaŭnictvy Biełarusi Anatol Ničkasaŭ.
«Źmieny kursaŭ valuty pakazali dynamiku, pavodle
jakoj košt žylla, budaŭnictva jakoha adbyvajecca ź dziaržpadtrymkaj, faktyčna viarnuŭsia da cenaŭ 2008 hoda», —skazaŭ ministr, adznačyŭšy, što na kaniec 2010 hady hety pakazčyk składaŭ $601.
«Dla našaha nasielnictva, jakoje atrymlivaje zarpłatu ŭ rublach, heta dobraja, pazityŭnaja tendencyja, jakaja dapasujecca da palityki budaŭnictva dastupnaha žylla», — dadaŭ Ničkasaŭ.
Pa jaho słovach,
«u suviazi sa źmienami ekanamičnaj situacyi nieabchodna było pryniać miery pa strymlivańni koštaŭ na budaŭnictva žylla». Budaŭničym arhanizacyjam pryjšłosia rabić heta za košt źnižeńnia płanavaj rentabielnaści i prybytkaŭ.
Ministr taksama adznačyŭ, što resursy lhotnaha kredytavańnia budaŭnictva žylla «dosyć abmiežavanyja» i «va ŭmovach rostu cenaŭ na impartnyja składniki pryjšłosia pryniać palityku strymlivańnia indeksu
Pry hetym Ničkasaŭ padkreśliŭ: płany pa budaŭnictvie i ŭvodu ŭ ekspłuatacyju 3 miljonaŭ kvadratnych mietraŭ žylla dla «čarhi» nie źmianilisia.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary