Śpiavačka Hluk'oZa stała mamaj druhi raz. U adnym z elitnych radzilniaŭ Ispanii jana naradziła dačku.
U Natalli i jaje muža, biznesoŭca Alaksandra Čyściakova, padrastaje piacihadovaja Lida. Jaje małodšaja siastryčka źjaviłasia na śviet u tym ža radzilnym domie ŭ Marbielje, dzie Nataša naradžała pieršy raz. Novanarodžanaja važyć 3,030 kh, rost — 49 santymietraŭ. Dziaŭčynku nazvali Vieraj — u honar babuli muža.
Ale kali pieršy raz rody prymaŭ dziažurny doktar, da jakoha Hluk'oZu davieźli na «chutkaj», to ciapier śpiavačka naradžała pad kantrolem asabistaha doktara, jaki naziraŭ jaje ciaham usioj ciažarnaści. Jana, darečy, praciakała nie tak lohka. Śpiavačku mučyŭ taksikoz, skakaŭ cisk.
Ale, niahledziačy na heta, Natalla nie spyniała kancertnaj dziejnaści i navat zapisała albom. Adnak druhija rody prajšli vydatna.
Ciapier mama z novanarodžanaj adčuvajuć siabie vydatna, pobač ź imi znachodzicca cełaja kamanda prafiesijanałaŭ. «Ciapier u mianie źjaviŭsia svoj doktar, jaki mianie kuryravaŭ usiu ciažarnaść. Heta ŭžo našmat praściej. I ja naohuł była lepš padrychtavanaja — zahadzia sabrała „tryvožny čamadančyk“ ź nieabchodnymi ŭ balnicy rečami, kab, kali što, nie daviałosia doŭha źbiracca», — cytuje jaje «Kamsamolskaja praŭda».
«Ja zusim nie bajałasia naradžać hetym razam — u mianie ž užo jość vopyt! Ale, viadoma ž, nam usim chaciełasia jak maha chutčej paznajomicca ź Vieraj. I kali jana narešcie naradziłasia, mnie jaje padnieśli i ja jaje ŭbačyła, to nie zmahła strymać emocyj i raspłakałasia ad radaści», — zaklučyła ščaślivaja maci.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami12
Kamientary