MUS Biełarusi ŭnios u Nacyjanalny centr zakanadaŭstva i pravavych daśledavańniaŭ prapanovu ab uzmacnieńni administracyjnaj adkaznaści za niezakonnuju kuplu, prodaž i abmien zamiežnaj valuty.
Prapanujecca pryniać normu, jakaja praduhledžvaje kanfiskacyju ŭ pravaparušalnikaŭ usich hrašovych srodkaŭ, jakija jość na momant ažyćciaŭleńnia ŭhody, paviedamili BiełTA ŭ HUBEZ MUS.
Ciapier art. 11.2. «Parušeńnie ŭstalavanaha paradku ažyćciaŭleńnia valutnych apieracyj» KaAP praduhledžvaje štraf ad sta bazavych vieličyniaŭ (adna bazavaja roŭnaja 35 tys. rubloŭ). A pry kanfiskacyi adbirajecca tolki taja suma, jakaja źjaŭlajecca pradmietam uhody. Kali ž adkaznaść budzie bolš žorstkaj, to sumy kanfiskavanych hrošaj uzrastuć. U milicyi prahnazujuć, što ŭ mnohich vypadkach budzie kanfiskoŭvacca ad 100 miljonaŭ rubloŭ i vyšej.
Sioleta za sistematyčnaje praviadzieńnie niezakonnych
Pavodle dadzienych HUBEZ, siaredniadzionny abarot valuty ŭ abmiennych punktach krainy ŭ lipieni hetaha hoda skłaŭ 9,8 młn dalaraŭ, tady jak u lipieni 2010 — 31,9 młn dalaraŭ. Zychodziačy z hetych ličbaŭ pravaachoŭniki robiać vysnovu, što lehalny siehmient pamienšyŭsia bolš čym u try razy, a jaho nišu zaniaŭ cieniavy sa štodzionnym abarotam nie mienš za 22 młn dalaraŭ u ekvivalencie. Cieniavy rynak u asnoŭnym farmujuć subjekty haspadarańnia. Najaŭnaja valuta, nabytaja takim čynam, abychodzicca im tańniej za bieznajaŭnuju, jakuju možna nabyć na mižbanku. Istotny popyt na najaŭnuju valutu farmujuć taksama indyvidualnyja pradprymalniki, jakich u respublicy zarehistravana bolš za 250 tysiač.
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu19
Kamientary