Miedyki adkryli novy vid alerhii - na wi-fi
Pacyjenty prychodzili da daktaroŭ sa skarhami na hałaŭnyja boli, u ich byli simptomy, charakternyja dla prastudy.
Novy vid alerhii zarehistravali śpiecyjalisty ŭ ZŠA — akazvajecca, u niekatorych ludziej vyjaviłasia alerhija na biespravadnyja sietki wi-fi. Pacyjenty prychodzili da daktaroŭ sa skarhami na hałaŭnyja boli, u ich byli simptomy, charakternyja dla prastudy (łomka sustavaŭ), a niekatoryja taksama adznačali paharšeńnie zroku.
Uździejańnie wi-fi na arhanizm poŭnaściu nie vyvučana, ale z takoj simptamatykaj jašče sutykacca nie davodziłasia. Kab vylečycca ad «alerhii», miedyki prapanujuć bolš siadzieć doma, bo čaściej za ŭsio pryvatny siektar nie ŭvachodzić u zonu dziejańnia wi-fi.
Miž tym u ZŠA pačaŭsia ŭžo šerah sudovych pracesaŭ baćkoŭ u suviazi z mahčymym niehatyŭnym upłyvam internet-suviazi na zdaroŭje ich dziaciej. Ekśpierty adznačajuć, što źjaŭlajecca ŭsio bolš daśledavańniaŭ na temu ŭździejańnia biespravadnych sietak na zdaroŭje čałavieka.
Niekatoryja vučonyja ličać, što pieraściarohi majuć padstavu, pakolki wi-fi pracujuć na toj ža častacie, što i mikrachvalevaja pieč. Na hetaj častacie pradukty razahravajucca za niekalki minut, i łahična mierkavać ab niehatyŭnym upłyvie jaje na čałavieka.
Kamientary