Virus papiłomy čałavieka, jaki pieradajecca pry aralnym seksie, vyklikaje rak horła ŭ mužčyn čaściej, čym kureńnie.
Takija vyniki dało daśledavańnie amierykanskich ankołahaŭ. Vyniki daśledavańnia publikuje Journal of Clinical Oncology.
Daśledniki praviali bijapsiju puchlin 270 pacyjentaŭ i pryjšli da vysnovy, što z 1984 pa 1994 hady kolkaść vypadkaŭ raku horła, vyklikanych papiłomaj, vyrasła z 16% da 72%. Kali tendencyja rostu kolkaści vypadkaŭ zachavajecca, to da 2020 hoda kolkaść vypadkaŭ vyklikanaha papiłomaj raku horła siarod mužčyn pieravysić lik vypadkaŭ raku šyjki matki ŭ žančyn, spravakavanych tym samym virusam.
Nośbitami virusu hienitalnaj papiłomy źjaŭlajucca prykładna 1—10% nasielnictva raźvitych krain.U bolšaści vypadkaŭ virus nijak siabie nie vyjaŭlaje, imunnaja sistema čałavieka macniejšaja za jaho. Tamu bolšaść ludziej nie adčuvaje jaho i nie lečyć. Tym nie mienš, nastupstvy jaho surjoznyja. Daktary z univiersiteta Ahajo śćviardžajuć, što
asnoŭnaj hrupaj ryzyki źjaŭlajucca seksualna aktyŭnyja mužčyny va ŭzroście ad 30 hadoŭ. U žančyn virus papiłomy vyklikaje rak horła našmat radziej.Lekary nie razumiejuć pryčyn takoj roźnicy.
Daśledniki ŭstanavili: u taho, chto za žyćcio zajmaŭsia aralnym seksam z šaściu i bolš partniorami, vierahodnaść raźvićcia ankałohii horła ŭ 8 razoŭ vyšejšaja, čym u taho, chto nikoli nie praktykavaŭ aralnaha seksu.
Upieršyniu suviaź pamiž virusam papiłomaj i rakam vyjavili ŭ 2005 hodzie šviedskija miedyki.Jany ŭstanavili, što ŭ ludziej, chvorych na rak horła, virus papiłomy vyjaŭlajecca ŭ arhaniźmie ŭ 36 razoŭ čaściej.
Siamiejnaja viernaść i minimizacyja dašlubnaha seksu apraŭdvajuć siabie.
* * *
Ź biełaruskaj Vikipiedyi:
Aralny seks (ad łac. os, oris — «rot»)— płocievy akt, u jakim połavaje ŭzbudžeńnie i/abo zadavalnieńnie dasiahajucca łaskami pałavych orhanaŭ partnioru rotam abo jazykom.
Zaniatki aralnym seksam niebiaśpiečnyja pry lubych zapalenčych pracesach u rocie i dychalnych šlachach. U vyniku aralnaha seksu mahčymaja pieradača infiekcyjnych zachvorvańniaŭ, vyklikanych bakteryjami, virusami i hrybkami. Pry aralnym seksie pieradajucca, u pryvatnaści: prancy, hiepatyt, hierpies.
-
Valaryna Kustava pra byłoha muža: Kali skłaści aficyjnyja pieraliki ad jaho na dzicia, to atrymajecca kala $1 na dzień
-
Dopis biełaruski-psichołaha pra seks z hruzinam-Apałonam vyklikaŭ mižhiendarnuju svarku
-
«Za adno pryvitańnie mohuć zakinuć 200 dalaraŭ». Biełarus raskazaŭ pra asablivaści pracy na «Onlifans»
Minskamu biznesmienu Saŭryckamu i jahonaj siamji pahražaje pa 12 hadoŭ za «raspalvańnie varožaści»2
Kamientary