U padvale piacipaviarchovika ŭ Baranavičach złavili lisiania +fota
Maładoha źviarka čakaje niezajzdrosny los.
Lisiania trapiła ŭ techničny padvał žyłoha doma pa vulicy Vojkava praz tunel ź ciepłavymi kamunikacyjami, vykapany pracoŭnymi «Baranavičykamunciepłasietka» paviedamlaje, Intex-press. Pa ich słovach, źviarok chutčej za ŭsio ŭnočy ŭvaliŭsia ŭ vykapanuju pierad samym domam jamu i pa prakładzienych trubach trapiŭ u padvał.
Pracoŭnyja zaŭvažyli lisiania jašče ŭčora ŭviečary, ale adrazu nie prydumali, što ź im rabić. Siońnia troje čałaviek złavili źviarka, źviazaŭšy jamu łapy i pysu, kab nie kusaŭsia. Pa ich słovach, lisa pavodziła siabie adekvatna, nikoha nie pakusała, ale vyhladała mocna napałochanaj.
Na lasnoha žychara sychodzilisia pahladzieć ludzi z navakolnych damoŭ.
Paźniej lisiania zabraŭ supracoŭnik Baranavickaj haradskoj vieterynarnaj stancyi. Źviarka pasadzili ŭ kletku, pakłali jamu pić i jeści, ad čaho jon, praŭda, admoviŭsia.
Ciapier, kab vyśvietlić zdarovy heta źvier ci chvory na šalenstva, za im ciaham 10 dzion buduć nazirać vieterynary.
Adnak, jak raspaviali Intex-press na vieterynarnaj stancyi, u kožnym vypadku hetaha maładoha źviarka čakaje niezajzdrosny los. Pakolki lisy źjaŭlajucca patencyjnymi nośbitami virusa šalenstva i ličacca škodnym vidam, złoŭlenaje ŭ Baranavičach lisiania ŭsypiać.
Byłoha supracoŭnika kontrraźviedki KDB aryštavali za zdradu dziaržavie9
Kamientary