Ekanamičnaha rostu ŭ 2012 hodzie nie budzie. Kolki b hrošaj ni nadrukavaŭ Nacbank.
U pazicyi ŭrada, jakuju ahučyŭ premjer ministr Miaśnikovič, jość adno słaboje miesca — heta śćviardžeńnie, što mahčymy «inflacyjny rost», — miarkuje ekanamist Alaksandr Čubryk,dyrektar Daśledčaha Centru IPM, —
i što takoha rostu možna dabicca praz drukavańnie hrošaj. Biełaruś užo prachodziła praz taki «rost»: u 1999 hodzie, kali inflacyja pieravysiła 250%, statystyka zafiksavała pavieličeńnie VUP na 3,4%. Ci daŭ hety «rost» štości prostym ludziam, da dabrabytu jakich apieluje taja častka ŭładaŭ, jakaja palemizuje z premjeram Miaśnikovičam?Taja samaja aficyjnaja statystyka pakazvaje, što nie — uzrovień biednaści ŭ 1999 hodzie dasiahnuŭ histaryčnaha maksimumu, nabliziŭšysia da 50%. Siaredni zarobak, raźličany pa rynkavym kursie, byŭ blizu 40 dalaraŭ. Dyj uvohule, ci byŭ toj rost u
Ale
prablema vybaru «inflacyjnaha rostu» vychodzić za ramki jaho karotkačasovych nastupstvaŭ — źbiadnieńnia šyrokich kołaŭ nasielnictva.Raniej, kali kraina ačomvałasia ad ich, joj dapamahali vielmi spryjalnyja vonkavyja ŭmovy: rost cenaŭ na naftu, «asablivyja» adnosiny z Rasiejaj, mahčymaść pavialičvać zamiežny doŭh… Ciapier takich spryjalnych čyńnikaŭ nie zastałosia. I praz hod, dva ci bolej kraina znoŭ i znoŭ paŭstavaćmie pierad nieabchodnaściu rynkavych reformaŭ. Bolš za toje, biednaść, da jakoj viadzie «inflacyjny rost», padryvaje pierśpiektyvy doŭhaterminovaha raźvićcia krainy, źbiadniaje jaje čałaviečy dy sacyjalny kapitał. U hetym niama ničoha novaha ci nieviadomaha dla toj častki ŭrada, jakaja rychtavała «žorstki varyjant» prahnozu na 2012 hod — prosta chaciełasia b, kab alternatyŭny prahnoz byŭ nie tolki abviedzieny čornaju ramkaju, ale j ščyra kazaŭ: ekanamičnaha rostu ŭ 2012 hodzie nie budzie. Kolki b hrošaj ni nadrukavaŭ Nacbank, — miarkuje ekanamist.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć22
Kamientary