Zaklučanyja kantrakty na pastaŭku kalijnych uhnajeńniaŭ, aŭtamabilnaj techniki, šyn i kamplektujučych.
Pa vynikach vizitu biełaruskaj uradavaj delehacyi na čale z premjer-ministram Michaiłam Miaśnikovičam ŭ Vjetnam i Mjanmu, jaki zaviaršyŭsia 4 śniežnia, zaklučana kantraktaŭ bolš čym na $200 młn.
U pryvatnaści, pa vynikach pieramovaŭ z kiraŭnikami hetych dziaržaŭ i pradstaŭnikami biźniesu zaklučany kantrakty na pastaŭku kalijnych uhnajeńniaŭ, aŭtamabilnaj techniki, šyn i kamplektujučych.
«My realizavali prahramu i dasiahnuli navat bolšych vynikaŭ, čym raźličvali», — zajaviŭ Miaśnikovič ŭ efiry telekanała «Biełaruś-1».
«Vjetnam my razhladajem jak stratehičnaha partniora ŭ Paŭdniova-Uschodniaj Azii. I heta nie tolki ŭ ramkach dvuchbakovych adnosinaŭ, ale i pa vynikach kansultacyj u Mytnym sajuzie i pieramovaŭ z Uładzimiram Pucinym, — dadaŭ biełaruski premjer. — Razhladajecca pytańnie ab zaklučeńni zony svabodnaha handlu pamiž Vietnamam i Mytnym sajuzam, što značna sprościć mnohija pytańni ŭzajemnaha handlu, tamu što praz Vjetnam my zmožam pracavać z usimi krainami ASIEAN».
Kamientary