Kolki daviadziecca zapłacić za letašni nabor praduktaŭ?
Ceny rastuć ledź nie kožny tydzień, tamu ludzi redka źviartajuć uvahu na toje, što chleb padaražeŭ na 100 rubloŭ, a małako — jašče na 50. Ale kali azirnucca na hod nazad, vidać hihanckaja roźnica cenaŭ.
Čytač «Našaj Nivy» prynios u redakcyju ček z hipiermarkieta «Karona». Jon datavany listapadam 2010 hoda. Miesiac da vybaraŭ, pavyšeńnie zarobkaŭ usioj krainie, niama deficytu tavaraŭ…
Tamu i ček unušalny — 71 tavar na 190 tysiač rubloŭ.
Čytač — šmatdzietny tata, tamu siarod pakupak možna ŭbačyć šmat dziciačaha charčavańnia i tvarožnych pastaŭ. I nijakaha ałkaholu.
My ŭziali stary ček i pajšli z kalkulataram u tuju samuju «Karonu», kab pahladzieć, kolki tyja tavary kaštujuć ciapier. Nakolki biełstataŭskija padliki inflacyi paćvierdziacca ŭ pobytavaj situacyi? Nahadajem, pavodle aficyjnaj infarmacyi, ceny vyraśli na 104%. Heta značyć, nabor tavaraŭ musiŭ kaštavać kala 390 tysiač rubloŭ. Što ž atrymałasia na spravie?
Jak vyjaviłasia, ciapier za vializny košyk daviałosia b addać 414 540 tysiač rubloŭ.Što padaražeła ŭ čeku bolš za ŭsio? Na pieršym miescy biełaruskija ahurki, jakija kaštujuć u 4,8 razu bolš. Raniej za kiłahram treba było addać 6330 rubloŭ, a ciapier — 30250. Tamatny sok «Sočny» i porysty šakaład «Rašen» padaraželi ŭ 3,5 razu. Pieršy ź ich ciapier kaštuje 9000 rubloŭ, a druhi — 9950 rubloŭ. Pry hetym nivodzin pradukt nie zachavaŭ svaju canu i tym bolš nie patańnieŭ…
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary