U navahodniuju noč u Minsku ŭ miescach masavych mierapryjemstvaŭ buduć pracavać 16 KPP
paviedamiŭ napres-kanfierencyi 20 śniežnia načalnik upraŭleńnia achovy pravaparadku i prafiłaktyki HUUS Minharvykankama Juryj Sarokin.
Pavodle jaho słoŭ, u pieradśviatočnyja i śviatočnyja dni supracoŭniki milicyi buduć pracavać va ŭzmocnienym režymie, «asabliva ŭ navahodniuju noč u miescach masavych mierapryjemstvaŭ». Na hetych placoŭkach budzie ŭstanoŭlena aharodža z 58 punktami propusku. Zabaroniena pranosić režučyja, kolučyja i inšyja niebiaśpiečnyja pradmiety, chatnija žyvioły.
Z 20.00 31 śniežnia budzie abmiežavany ruch i parkoŭka transpartuna zavułku Kanatny kala haścinicy «Płanieta», na vulicy Mielnikajte ad vuł. Dzimitrava da vuł. Zasłaŭskaj, na placoŭcy kala Pałaca sportu, ad Niamihi da praśpiekta Niezaležnaści, a taksama na placoŭcy kala Nacyjanalnaj biblijateki i ŭ miescach rajonnych mierapryjemstvaŭ.
Pavodle słoŭ pieršaha namieśnika načalnika Minskaha haradskoha ŭpraŭleńnia MNS Vitala Tułaja, pracaŭniki ŭpraŭleńnia buduć pieraviedzieny na ŭzmocnieny varyjant niasieńnia słužby ŭ pieryjad praviadzieńnia navahodnich i kaladnych mierapryjemstvaŭ. Užo pravierana biaśpieka 1 tys. abjektaŭ. Budzie arhanizavana dziažurstva na navahodnich mierapryjemstvach u dziciačych sadkach, škołach, pazaškolnych ustanovach. «Chaču nahadać kiraŭnikam pradpryjemstvaŭ i arhanizacyj pra adkaznaść za zabieśpiačeńnie biaśpieki pry praviadzieńni fiejervierkaŭ i
Kamientary