Apytańnie siabroŭ žury: Łanskaja zajmała apošniaje miesca
Skandał vakoł vynikaŭ «Jeŭrafestu» narastaje.
Ci moža jana być pieramožcam pa sumie hałasavańniaŭ? Jak ličyć hałasy hledačoŭ «Biełtelekam», nie viedaje nichto, ale mnohija padazrajuć, što pa mietodycy Jarmošynaj. A voś žury lohka pravieryć, kali sabrać źviestki, chto ź jaho siabroŭ jak hałasavaŭ.Spačatku mierkavałasia, što ŭ hladackim hałasavańni Łanskaja nie pieramahła, ale žury prahałasavała «pravilna». Adnak čatyry ź piaci siabroŭ žury, jakija pryznalisia ŭ svaich acenkach «Jeŭraradyjo», addali śpiavačcy… apošniaje miesca.
Alaksiej Chlastoŭ pryhadvaje svaje prefierencyi lohka: «Ja prahałasavaŭ tak: 12 bałaŭ za Litesound, 10 bałaŭ — Uzari,a nastupnaja — Viktoryja Aleška. Hałasavańnie było maksimalna nabližana da farmatu «Jeŭrabačańnia». My stavili ad 12 da 6 bałaŭ, pryčym adznak u 9 i 11 bałaŭ nie stavili».
Ina Afanaśjeva na «Jeŭrafeście» ŭvohule adpraŭlaje Łanskuju na… apošniaje miesca!«Alona była samaja słabaja z 5 pretendentaŭ. 7 bałaŭ atrymaŭ Uzari. Chacia ja mahu napeŭna skazać, što jon macniejšy i za Hiuneš, i za Viku Aleška. Ale ŭ dzień «Jeŭrafestu» jon vyhladaŭ horš… 8 bałaŭ atrymała Vika, 10 bałaŭ — Hiuneš, 12 — Litesound».
Uzari vidavočna padabajecca joj bolš za ŭsich. Ale pastavić maładomu vykanaŭcu bolš nie dazvalaje sumleńnie: «U jaho byli prablemy z hołasam, heta było čuvać, — škaduje Ina Afanaśjeva. — Ale ja nie mahła pastavić jamu acenku avansam. Jon ža viedaŭ, što idzie na adkaznaje mierapryjemstva, a da svajho instrumienta — da hołasu — pastaviŭsia nie naležnym čynam. Nu voś, pajechaŭ by jon na «Jeŭrabačańnie“, i zabaleła b jamu tam horła. Što b my tady rabili?»
Pavodle słoŭ narodnaha artysta Biełarusi Mikałaja Skorykava, 12 bałaŭ hurtu Litesound dali 6 siabraŭ žury. U tym liku i sam śpiavak:«Ja hetamu Litesound nie kum i nie svat, i ŭvohule heta muzyka nie zusim maja, bo ja naležu da starejšaha pakaleńnia. Ale heta konkurs! Kali ŭsie artysty padyšli da finała, ja źviarnuŭ uvahu, što heta vielmi mocnaja kamanda. Alonie Łanskoj ja dapamahaŭ z vybaram pieśni dla «Słavianskaha bazaru», ale… Nu, nie vyjšła tut u čałavieka! A heta ž konkurs!»
Narodny artyst Biełarusi Alaksandr Cichanovič pryznajecca, što… nie pamiataje, jak prahałasavaŭ na «Jeŭrafeście». Dziŭna, ale byvaje!
Kampazitary Leanid Šyryn i Juryj Vaščuk admaŭlajucca kazać, jak raźmierkavali svaje bały. Nie viedaje, ci maje na heta prava, i chareohraf Alaksandr Miaženny: «Usie papiery my zapoŭnili, padpisali i addali arhanizataram konkursa. Tak što pytajciesia ŭ ich. I druhi momant: ja łahičnaj liču baraćbu pamiž Litesound i Łanskoj».
Zatoje kampazitar Jaŭhien Alejnik nie robić sa svajho hałasavańnia tajamnicy: «Zapišycie, tolki nie pierabłytajcie, bo nie chaču nikoha pakryŭdzić. Aleška — 12, Litesound — 10, Hiuneš — 8, Uzari — 7 Łanskaja — 6».U pieramožcy… piataje miesca!
Takim čynam, paśla apytańnia piaci siabroŭ žury Alona Łanskaja nie tolki adstaje ad Litesound na 24 bały, ale… prajhraje ŭsim astatnim finalistam «Jeŭrafestu».Adnaznačnych vysnovaŭ z našaj apytanki zrabić nielha, bo ŭ žury ažno 10 udzielnikaŭ. Ale… ci možna pieramahčy, kali pałova žury stavić ciabie na apošniaje miesca?
«Viedajecie, ja šmat hladžu zamiežnych šou, takich, jak
kali siabar žury spatyknuŭsia, zrabiŭ pratekcyju artystu, i heta bačna — jaho reputacyja padaje nastolki ŭniz, što ŭ muzyčnaj supolnaści tabie nie budzie miesca jak minimum 3 hady. A ŭ Amierycy heta raŭnaznačna bankructvu».
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary