Łukašenka pryznaŭ falsifikacyi. Na «Jeŭrabačańnie» pajedzie Litesound
Vinavatymi pryznany Šakucin, Łatuška, Davydźka.
Heta stała viadoma paśla narady ŭ Alaksandra Łukašenki.
Vyniki finału konkursu «Jeŭrafest» akazalisia padtasavanyja.Ab hetym zajaviŭ Alaksandr Łukašenka 24 lutaha na naradzie pa vynikach praviadzieńnia finału Nacyjanalnaha televizijnaha muzyčnaha prajekta «Jeŭrafest», pieradaje karespandent BIEŁTA.
«Sumna, viadoma, što nam davodzicca na ŭzroŭni prezidenta zajmacca padobnymi pytańniami.Pytańnie ŭ spraviadlivaści, — pryznaŭ Łukašenka i zaniaŭsia samapijaram. —
Ja dumaju, prysutnym tut niama nieabchodnaści tłumačyć, što stryžniem ŭsioj majoj palityki źjaŭlajecca pytańnie spraviadlivaści.Heta hałoŭnaje, heta pieravažaje nad usimi pryncypovymi kryterami dziejnaści subjektaŭ haspadarańnia, hramadzian našaj krainy, čynoŭnikaŭ i hetak dalej», — nahadaŭ Alaksandr Łukašenka.
Jon skazaŭ:
«Ja paprasiŭ nie biez zhody i žadańnia Alaksandra Šakucina [kiraŭnik AAT „Amkador“, adzin z nabližanych da Łukašenki biznesoŭcaŭ], kab jon, ministr kultury i kiraŭnik Biełteleradyjokampanii arhanizavali hodna hety praces u našaj krainiei vyznačyli tych, chto hodna moža pradstavić našu krainu na hetym konkursie. Jak mianie infarmavali, nie publična, u pryvatnym paradku, praces išoŭ, pryhoža ŭsio.
Tak, sapraŭdy, karcinka była pryhožaja na telebačańni, arhanizavana heta było narmalna. Nakolki ja infarmavany, Alaksandr Vasiljevič Šakucin dapamahaŭ,i finansava u tym liku, arhanizoŭvać hety konkurs», — raspavioŭ kiraŭnik dziaržavy.
«Vy vyznačyli krytery, nie ja ich vyznačaŭ, što hledačy i žury, jak heta i na „Jeŭrabačańni“ budzie, vyznačać lepšaha.U vyniku što vyjšła? U vyniku ŭsio vyjšła naadvarot.
Vy stvaryli patavuju situacyju, situacyju, jakaja charaktaryzuje ŭsich troch nieprystojna», — pierakłaŭ jon vinu na Šakucina, Łatušku, Davydźku.
«Jak mianie infarmujuć ŭžo dźvie hrupy, jakija pa maim daručeńni hetym zajmalisia,
vyniki finału konkursu akazalisia padtasavanyja.Nie viedaju, navošta i čamu.
Heta my raźbiaremsia, kali nie tut, to ŭ ramkach kryminalnaj spravy.Daravańnia nikomu nie budzie. Tamu ja prapanuju vam nie ciamnić, — skazaŭ Łukašenka. — Vyniki padtasavanyja. Nie viedaju, navošta padstavili hetuju dziaŭčynku, talenavituju śpiavačku. Nie viedaju, jak vy ź joj budziecie raźbiracca zaraz. I pakryŭdzili hetych chłopcaŭ [„Łajtsaŭnd“], jakija faktyčna apynulisia pa vašych kryterach pieramožcami».
Alaksandr Łukašenka abrynuŭsia na svajho niadaŭniaha favaryta Davydźku.«Ja ździŭleny, Hienadź Branisłavavič [Davydźka]. Vy kožny dzień mnie pišacie listy ab ciažkim finansavym stanie vašaj kampanii. Dyk vam što, hrošy niama kudy dziavać? Ja pavinien mima kiraŭnika vychodzić.
Ja ž publična vam tudy pryznačyŭ namieśnika — vočy i vušy prezidenta. I vy, tym nie mienš, bieź jaje viedama marnujecie miljardy rubloŭ niezrazumieła na što.Vam što, hrošy niama kudy dziavać? Žurnalisty skardziacca — zarobak nie płacicie, jak śled. Heta druhoje pytańnie, na jakoje ja chaču atrymać adkaz.
Nahadajem, što pieramožcaj Jeŭrafestu abrali zasłužanuju artystku Biełarusi, pieramožcu «Słavianskaha bazaru» Alenu Łanskuju.
Śledam za Viciebskaj vobłaściu i mahiloŭcy apublikavali ŭ Fejsbuku śviedčańni pra adminresurs, zadziejničany na karyść Łanskoj.
Zvyčajna takaja maštabnaja kampanija ideałahičnaj viertykallu pravodzicca tolki tady, kali na toje jość vola z centra. Ani Łatuška, ani Davydźka, ani Šakucin takoje arhanizavać nie mohuć, bo ŭstanovy adukacyi nie prachodziać pa ich viedamstvie. Zadziejničać adminresurs mahła tolki Administracyja prezidenta. Havaryli, što vystup Łanskoj na «Słavianskim bazary» spadabaŭsia asabista Alaksandru Łukašenku.
Maładoj śpiavačcy prysvoili vysokaje zvańnie «Zasłužanaj artystki Respubliki Biełaruś».
Miž tym, pavodle źviestak lidara hurtu Litesound Dźmitryja Karakina, pieramahali jany — i pavodle vynikaŭ hladackaha hałasavańnia, i pavodle acenak žury. Ale, kaža jon, pieramožcam abvieścili Łanskuju.
Źmiena fartuny Łanskoj stała jasna, kali była ŭtvorana śledčaja kamisija ŭ hetaj spravie.Jašče da narady ŭ Łukašenki paviedamili, što śpiavačka ŭžo zdała pryz «Jeŭrafestu».
Łukašenka nazvaŭ hety skandał navukaj dla ŭsich, chto siońnia zajmajecca adukacyjaj i kulturaj. «Tam nie ŭmiejuć ličyć hrošy, tamu što jany ich nie zarablajuć».
U piatnicu ž Alaksandr Łukašenka padpisaŭ ukaz ab pryciahnieńni da adkaznaści šerahu słužbovych asob.Abvieščany vymova ministru kultury Paŭłu Łatušku i staršyni Biełteleradyjokampanii Hienadziu Davydźku. Vyniesiena zaŭvaha kiraŭnika Administracyi prezidenta Uładzimiru Makieju, namieśniku prem'
Ministru kultury i staršyni Biełteleradyjokampanii daručana nieadkładna zvolnić asob, vinavatych u skažeńni vynikaŭ hałasavańnia na «Jeŭrafeście».
U Biełarusi nazirajucca prablemy ź internetam. Voś što pišuć pra heta ludzi2
Kamientary